អ្នកមានស្នាមសម្លាកថ្មីៗ សូមសាកល្បង! វិធីបំបាត់ស្នាមសម្លាក មានទាំងក្បួនពេទ្យ និងធម្មជាតិ

2017-10-13 07:08:30
ចំនួនមតិ 0 | ចំនួនចែករំលែក 0

ស្នាមសម្លាក ជាបញ្ហាមួយមិនអាចជៀសបានក្នុងជីវិតមនុស្សម្នាក់ៗ ព្រោះមានមូលហេតុច្រើនដែលនាំឲ្យកើតមានស្នាមនៅលើស្បែករបស់អ្នក។ កញ្ញា នឹងលើកយកប្រភេទស្នាមសម្លាក និងវិធីព្យាបាលមកចែករំលែក។

១. ប្រភេទស្នាមសម្លាក

ស្នាមសម្លាកក្រាស់ រឹង ផុសឡើងនៅលើស្បែក ជាប្រភេទ Keloid Scar
ស្នាមសម្លាកដែលកើតឡើងដោយសារការបង្កើតជាលិកាថ្មីហួសប្រមាណ ហើយវាមិនពកឡើងលើសពីមុខរបួសដំបូង ជាប្រភេទ Hypertrophic Scar
ស្នាមសម្លាករាងក្រហូង ដែលបណ្ដាលពីការផលិតជាតិកូឡាជែនមិនគ្រប់គ្រាន់របស់ស្បែក ឬកង្វះជាលិកាសម្រាប់តភ្ជាប់ដើម្បីជាសះស្បើយ នៅកន្លែងឆ្លងមេរោគនោះ ជាប្រភេទ Atrophic scar
ស្នាមសម្លាកដែលបណ្ដាលមកពីការកើតមុនធ្ងន់ធ្ងរ ហៅថា Acne scar។

Acne scar

**២. វិធីព្យាបាល**

តាមក្បួនពេទ្យ

ស្នាមសម្លាក អាចព្យាបាលបាន អាស្រ័យលើប្រភេទស្លាកស្នាម ស្បែក ភាពធ្ងន់ធ្ងរនៃរបួស អាហារូបត្ថម្ភ និងការប្រើផលិតផលសម្រាប់ព្យាបាល ដូចជា៖

ជែល ថ្នាំក្រមួន ឬក្រែម៖ អ្នកអាចលាបផលិតផលមានសារធាតុ Mucopolysaccharide Polysulphate (MPS) ដែលជួយបង្កើនផលិតភាពនៃការជំនួសកូឡាជែន និងអេឡែស្ទិន ដោយបង្កើនការរក្សាសំណើមស្រទាប់ក្នុងនៃស្បែក ហើយក៏ជួយសម្រួលដល់ការរលុបស្នាមផងដែរ ដោយចំណាយពេល ១-៦ខែ តាមប្រភេទ និងភាពធ្ងន់ធ្ងរនៃស្លាកស្នាមរបស់អ្នក។
ចាក់ថ្នាំ៖ អ្នកអាចចាក់ថ្នាំពពួក steroid ដើម្បីព្យាបាលស្នាមសម្លាកដែលពកឡើង ដូចជា Hypertrophic scar ឬ Keloid scar ឬចាក់ថ្នាំប្រភេទផ្សេងទៀត ដូចជា collagen ឬ filler សម្រាប់ស្នាមក្រហូង។
វះកាត់៖ ការវះកាត់អាចធ្វើឲ្យរូបរាងរបស់ស្នាមសម្លាកកាន់តែប្រសើរឡើង បើការព្យាបាលដទៃទៀតមិនមានប្រសិទ្ធភាពចំពោះស្នាមសម្លាកចាស់ៗ។

តាមក្បួនធម្មជាតិ

លាបទឹកខ្ទឹមបារាំងថើៗលើស្នាមប្រហែល ៦-៨ សប្ដាហ៍ ដោយវាមានផ្ទុក Allium Cepa ដែលជំរុញការផលិតកូឡាជែន នឹងធ្វើឲ្យស្នាមប្រសើរជាងមុន។ ផលិតផលវេជ្ជសាស្ត្រមួយចំនួនក៏ចម្រាញ់ចេញពី Allium Cepa ផងដែរ។

បើមានសំណួរពាក់ព័ន្ធនឹងអត្ថបទនេះ ឬការថែរក្សាសុខភាព អាចទាក់ទងតាម៖