តារាសម្ដែងស្រីកូរ៉េល្បីឈ្មោះសម្ដែងអន់នៅតែក្ដោបតួឯកធ្វើមិនដឹង

2017-10-01 07:05:41
ចំនួនមតិ 0 | ចំនួនចែករំលែក 0

ទោះបីជាសមត្ថភាពសម្ដែងមិនត្រូវបានគេទទួលស្គាល់យ៉ាងណាក៏ដោយ តែដោយហេតុផលណាមួយ តារាស្រីទាំងឡាយខាងក្រោមនេះនៅតែទទួលបានតួឯកជារឿងៗ។

១. Suzy៖ ល្បីឈ្មោះតាមរយៈរឿងភាគ "Dream High” តែរាល់រឿងក្រោយៗនេះរបស់តារាសម្ដែង និងចម្រៀងសុទ្ធតែទទួលការរិះគន់ទាំងអស់ ដោយនាងត្រូវគេលើកឡើងថាសម្ដែងមិនពិត។

២. Goo Hye Sun៖ រឿងភាគតែ១គត់របស់ Goo Hye Sun ដែលទទួលបានអ្នកទស្សនាច្រើននោះគឺ "កន្លង់បាក់ស្លាប កុលាបមានស្នេហ៍"។ ដៃគូសម្ដែងរបស់ Goo Hye Sun ដែលជា Lee Min Ho នៅពេលនេះបានក្លាយជាតារាអាស៊ីទៅហើយ តែនាងនៅតែរករឿងល្បីទី២មិនទាន់ឃើញ។

៣. Go Ah Ra៖ ធ្លាប់ត្រូវបានគេដាក់រហ័សនាមថាស្រីស្អាតលេខមួយរបស់ផលិតកម្ម SM, Go Ah Ra ត្រូវបានគេឲ្យដើរតួឯកជាច្រើនរឿង តែមិនទាន់ធ្វើឲ្យទស្សនិកជនចាំរឿងក្នុងរឿងណាច្បាស់មួយណាក៏ដោយ។

៤. Kim Tae Hee៖ Kim Tae Hee គឺជាឧទាហរណ៍បញ្ជាក់ឲ្យឃើញថា មានសម្រស់គឺមានអ្វីគ្រប់យ៉ាង។ បើទោះបីជាសមត្ថភាពសម្ដែងរបស់ប្រពន្ធ Rain ត្រូវរងភាពអវិជ្ជមានយ៉ាងណាក៏ដោយ តែនាងនៅតែទទួលបានតំណែងតួឯកជាដរាប។

៥. Shin Se Kyung៖ Shin Se Kyung ចាប់ផ្ដើមមានឈ្មោះល្បីតាំងពីពេលមានអាយុក្មេងខ្ចីបំផុត។ គ្រប់រឿងដែលនាងទទួលថត នាងត្រូវតែដើរតួឯកជានិច្ច។ យ៉ាងណាក៏ដោយ រាល់តួប្រុសណាដែលដើរតួជាមួយនាងសុទ្ធតែត្រូវបានគេអាណិតទាំងអស់ ព្រោះគេថាទឹកមុខរបស់នាងរឹង មិនរស់រវើក ធម្មជាតិទាល់តែសោះ៕