Rihanna ថារូបរាងធាត់ ធ្វើឲ្យនាងមានអារម្មណ៍សិចស៊ី និងជឿជាក់ជាងមុន

2017-07-31 06:10:42
ចំនួនមតិ 0 | ចំនួនចែករំលែក 0

មនុស្សស្រីជាច្រើនតែងយល់ថាការ ភាពធាត់ធ្វើឲ្យពួកគេបាត់បង់ភាពសិចស៊ី និងការជឿជាក់លើខ្លួនឯង។ តែផ្ទុយទៅវិញ Rihanna បែរជានិយាយថា រូបរាងរបស់នាងពេលនេះ ធ្វើឲ្យនាងមានអារម្មណ៍កាន់តែសិចស៊ី និងជឿជាក់ជាងមុនទៅទៀត។

ពេលម្ចាស់បទ "We Found Love " បង្ហាញខ្លួនក្នុងកម្មវិធីសម្ពោធរឿង "Valerian" ក្នុងទីក្រុងប៉ារីសកាលពីថ្ងៃអង្គារសប្ដាហ៍មុន Rihannaបានស្លៀកសំលៀកបំពាក់ពណ៌ផ្កាឈូកជាម៉ាកថ្មីរបស់ Prada ឆ្នាំ ២០១៧ នេះ។ ប្រភពមួយដែលស្និទ្ធនឹងតារាស្រីវ័យ ២៩ ឆ្នាំរូបនោះបានប្រាប់ Hollywood Life នាងពេញចិត្តជាមួយរូបរាងនៅពេលនេះខ្លាំងណាស់។ ប្រភពបានបន្តថា "Rihanna សប្បាយចិត្ត និងមានអារម្មណ៍សិចស៊ី ព្រមទាំងមានទំនុកចិត្តច្រើនជាងមុនទៅទៀតជាមួយរូបរាងធាត់របស់នាង។ នាងគិតថានាងមើលទៅអស្ចារ្យ ហើយមិនផ្លាស់ប្ដូរសម្រាប់នរណាម្នាក់ឡើយ "។

Rihanna ត្រូវបានគេដងថាទើបភ្ជាប់ទំនាក់ស្នេហាជាមួយអ្នកជំនួញលោក Hassan Jameel ដែលជាកាលពីខែមុន ហើយអ្នកជំនួញអារ៉ាប៊ីសាអ៊ូឌីត រូបនោះ ក៏ចាត់ទុកនាងដូចជាព្រះនាងម្ចាស់ ទោះជារូបរាងបែបណាក៏ដោយ៕

ចុចអាន៖សមាជិកក្រុម Wonder Girls កែមុខមើលលែងស្គាល់

ប្រភព៖ Dailymail ប្រែសម្រួល៖ ទ្រី រ៉ាវី