គង់ ចាន់ស្រីមុំ ប្រមូលខោអាវលក់ធ្វើខួបកំណើតសប្បុរសធម៌ ដាច់ស្ទើរគ្មានសល់
- 2017-07-05 04:38:06
- ចំនួនមតិ 0 | ចំនួនចែករំលែក 0
គង់ ចាន់ស្រីមុំ ប្រមូលខោអាវលក់ធ្វើខួបកំណើតសប្បុរសធម៌ ដាច់ស្ទើរគ្មានសល់
តារាសម្តែងសាច់សខ្ចី អ្នកនាង គង់ ចាន់ស្រីមុំ និងស្វាមីលោក គឹម សីហា បាននាំគ្នាប្រមូលសម្លៀកបំពាក់ កាបូប ស្បែកជើង ដែលមានតំលៃថ្លៃៗ ដាក់លក់ថោកៗ នៅមុខហាងផ្ទាល់ខ្លួន គឺហាង momo តាំងពីថ្ងៃទី៣ កក្កដាម្ល៉េះ ដើម្បីប្រារព្ធពិធីខួបកំណើតមួយ ដែលប្រាកដដោយភាពសប្បុរសធម៌។ នេះបើយោងតាមវីដេអូ និង Status ដែលនាងបានបង្ហោះលើ Page Facebook របស់នាង។
គង់ ចាន់ស្រីមុំ បានបញ្ជាក់ថា ការប្រមូលរបស់របបប្រើប្រាស់របស់នាងដាក់លក់នេះ គឺដើម្បីប្រមូលថវិកាជួយដល់មន្ទីរពេទ្យគន្ធបុប្ឋា នៅក្នុងថ្ងៃកំណើតរបស់អ្នកនាងផ្ទាល់។
ដកស្រង់សម្ដីពីវីដេអូដែលបានបង្ហោះ ស្រីមុំបាននិយាយថា៖ «របស់ដែលយើងទិញ មក ១០០ដុល្លារ យើងលក់តែ ២៥ដុល្លារទេ។ ហើយកាបូប ដែលយើងទិញ ២០០ដុល្លារ យើងលក់ ៥០ដុល្លារ … ប៉ុន្តែបើស្បែកជើងវិញ មានតែលេខ ៣៦ប៉ុណ្ណោះ តែសំខាន់គឺសុទ្ធតែជារបស់ថ្មីៗ ស្អាតៗ …»។
ដោយសារតែការលក់ក្នុងតម្លៃថោកៗ ហើយជារបស់ Brand Brand ផង មានអ្នកចោមរោមទិញសម្លៀកបំពាក់របស់នាងយ៉ាងច្រើនពាសពេញហាងតែម្ដង។ ស្រីមុំ ថាឆ្នាំនេះ នាងមិនធ្វើខួបកំណើត ដោយការជប់លៀងធំដុំអ្វីនោះឡើយ គឺគ្រាន់តែចង់ធ្វើអ្វីដែលអាចជួយសង្គមបាន ដូចជាការបរិច្ចាគ ដើម្បីជួយដល់ការព្យាបាលជំងឺកុមាររបស់មន្ទីរពេទ្យគន្ធបុប្ឋា។
កន្លងមកគេសង្កេតឃើញថា តារាដែលមានជំនួញលុយរាប់លានដុល្លារទាំង ២នាក់នេះ តែងតែបង្ហាញពីភាពស៊ីវិល័យ តាមរយៈការទិញសម្ភារៈ brand brand ប្រើប្រាស់ និងការលេងម៉ូដសក់ ម៉ូដខោអាវ cute cute ដែលមើលទៅទំនងជាមិនមែនចាយលុយអស់តិចនោះទេ។ ដូច្នេះ របស់ដែលគេយកមកលក់ ប្រាកដជាត្រូវចិត្តយុវជនខ្លាំងហើយ៕