របៀបគូរ eyeliner ដែលល្អឥតខ្ចោះ ទៅតាមទម្រង់ភ្នែកនីមួយៗ

2017-05-30 04:01:48
ចំនួនមតិ 0 | ចំនួនចែករំលែក 0

ការគូរ eyeliner មិនមែនចេះតែគូរតាមចិត្តយើងនឹកឃើញទេ តែគួរផ្ដោតទៅលើទម្រង់ភ្នែកជាមុនដែរ។ កញ្ញា សូមណែនាំវិធីងាយៗដែលអាចគូរ eyeliner បានស្អាត និងសក្ដិសមនឹងភ្នែកយើងថែមទៀតផង៖

១.ភ្នែករាងផ្លែអាល់ម៉ុង៖ មនុស្សស្រីដែលមានទម្រង់ភ្នែកបែបនេះ គួរគូរ eyeliner ស្ដើងៗពីដើមភ្នែករហូតដល់ចុងភ្នែក ហើយគូរថែមពីក្រោមចុងភ្នែកបន្ថែមតិចទៀត ទើបមើលទៅឃើញភ្នែកធំស្អាត។

២.ភ្នែកមិនស្រឡះ៖ អ្នកមានភ្នែករាងបែបនេះគួរគូរ eyeliner ឲ្យស្ដើងគល់ តែកន្ទុយរាងធំទើបឃើញភ្នែកមុតស្អាត។

៣.ភ្នែកធំ៖ ភ្នែកស្អាតស្រាប់បែបនេះ គូរ eyeliner តិចៗស្ដើង ហើយមិនបាច់គូរចេញកន្ទុយភ្នែកឡើយ តែគួរគូរស្រមោលពីក្រោមភ្នែកបន្ថែមដែរ ទើបឃើញស្អាត។

៤.ទម្រង់ភ្នែកវែង៖ សុភាពនារីណាដែលមានភ្នែកបែបនេះកុំបារម្ភពីវិធីគូរ eyeliner ឲ្យឃើញស្អាត។ គ្រាន់តែគូរពីដើមភ្នែករាងក្រាសបន្តិច ហើយកន្ទុយភ្នែករាងបាញ់ឡើងលើបន្តិចជាការស្រេច។

៥.ទម្រង់ភ្នែកមុតវែង៖ នេះជាទម្រង់ភ្នែកដែលមានភាពសិចស៊ីបំផុតហើយ តែការគូរ eyeliner ត្រូវប្រយ័ត្នបន្តិចដោយគូរឲ្យឆ្ងាយពីរោមភ្នែក និងត្រូវដាក់ស្រមោលស្រទន់ទើបឃើញស្អាត។

៦.ទម្រង់ភ្នែកស្ដើង៖ ស្ត្រីដែលមានភ្នែកបែបនេះ អាចពិបាកក្នុងការគូរ eyeliner បន្តិច។ បើចង់គូរឲ្យឃើញភ្នែកធំ គួរតែដាក់ស្រមោលនៅកន្ទុយភ្នែក រួចសឹមគូរ eyeliner ដើមភ្នែកតូច ហើយកន្ទុយភ្នែកឲ្យធំទើបឃើញភ្នែកធំ៕