ពណ៌ភ្នែក៤ពណ៌ ដែលជួយលើកសម្រស់នារីអាស៊ីបានល្អបំផុត

2017-05-18 04:01:30
ចំនួនមតិ 0 | ចំនួនចែករំលែក 0

ថ្ងៃនេះយើងមកស្វែងយល់ទាំងអស់គ្នាអំពីការតុបតែងមុខមួយផ្នែក គឺការរើសពណ៌ភ្នែក (Eyeshadow) ដែលកំពុងពេញនិយមបំផុតសម្រាប់នារីៗនៅអាស៊ី ដោយជួយសន្សំពេលវេលាក្នុងការផាត់មុខ និងធ្វើឲ្យមើលទៅស្រស់ស្អាតបែបធម្មជាតិ ថែមទាំងផ្លាស់ប្ដូរអ្នកឲ្យក្លាយជានារីមុខស្រទន់ មុខមិនហោះ ឬមិនមានពណ៌ដិតខ្លាំងពេករហូតគួរឲ្យខ្លាច។ ទៅមើលទាំងអស់គ្នា ថាតើមានពណ៌អ្វីខ្លះ៖ ១. ពណ៌ Earth Tone

ពណ៌ Earth Tone គឺជាក្រុមពណ៌ដែលមានពណ៌ស្រស់ប៉ុន្តែរាងស្រគាំតិចៗ និងមិនឆើតមុតពេក ដែលធ្វើឲ្យអ្នកអាចរក្សាបាននូវសម្រស់បែបធម្មជាតិ។ Eyeshadows ដែលប្រើគួរតែមានពណ៌ស្រាលៗ។ អាចផ្លាស់ប្ដូរពណ៌បានច្រើនដោយភាគច្រើនមានលក្ខណៈពណ៌ត្នោត និងពណ៌ធម្មជាតិផ្សេងៗទៀត។ ២. ពណ៌ Champagne

ពណ៌ Champagne មានលក្ខណៈពណ៌មាសរាងក្រហម ឬរាងទឹកក្រូច ដែលជាប្រភេទពណ៌ពេញនិយមសម្រាប់នារីៗនៅកូរ៉េ ក៏ដូចជានៅអាស៊ីទាំងមូល។ ពណ៌នេះអាចស៊ីជាមួយស្បែកគ្រប់សម្បុរ និងអាចធ្វើឲ្យមើលទៅកាន់តែថ្លៃថ្នូរ។ ៣. ពណ៌កុលាបប្រផេះ (Smoky Rose)

ពណ៌កុលាបប្រផេះ ឬ Smoky Rose ជាពណ៌ដែលមានលក្ខណៈប្រផេះដិតៗ ប៉ុន្តែមានលាយពណ៌ផ្សេងៗឲ្យមើលទៅកាន់តែស្រទន់ ដូចជាពណ៌ត្នោតលាយក្រហម ពណ៌ត្នោតរាងទឹកក្រូច ឬពណ៌ផ្កាឈូករាងក្រហម ដែលពណ៌ទាំងនេះធ្វើឲ្យភ្នែករបស់យើងមើលទៅមិនកាចពេក និងមិនរឹងពេក។ ៤. ពណ៌ត្នោត

ក្រុមពណ៌ត្នោត នឹងធ្វើឲ្យអ្នកមើលទៅស្រស់ស្អាត ថ្លៃថ្នូរ បង្កប់ដោយភាពសិចស៊ីបែបធម្មជាតិ ដែលជាទីពេញនិយមបំផុតសម្រាប់តារាម៉ូដែល ក៏ដូចជាសិល្បករ៕

ប្រភព៖ Spiceee ប្រែសម្រួលៈ វ៉ាន់ថន