មិត្តពិតប្រាកដ Vs មិត្តក្លែងក្លាយ

2017-05-04 03:16:56
ចំនួនមតិ 0 | ចំនួនចែករំលែក 0

រឿងពិតមួយគឺថាមិត្តយើងទាំងអស់មិនមែនសុទ្ធតែមិត្តពិតនោះទេ។ អ្នកខ្លះខ្វល់ពីយើងពិតប្រាកដតែអ្នកខ្លះវិញគឺចាំចាក់យើងពីក្រោយខ្នងតែម្ដង។ រស់ក្នុងសង្គម ស្រីៗយើងគួររៀនចែកឲ្យដាច់រវាងមិត្តទាំងពីរនេះ៖

មិត្តពិតប្រាកដ

១. យកចិត្តទុកដាក់ពេលយើងសុំជំនួយ៖ មិនថាពិបាកចិត្តរឿងស្នេហា ឬ រឿងអ្វីផ្សេង មិត្តល្អគេនឹងគាំទ្រយើងតាមដែលអាចធ្វើបាន។

២. និយាយល្អពីយើងទៅកាន់អ្នកដទៃ៖ ព្រោះគេចង់ឲ្យអ្នកផ្សេងឃើញពីចំណុចល្អៗរបស់យើង ហើយគេធ្វើបែបនេះចេញពីចិត្ត។

៣. ការពារយើង៖ ជាពិសេសពេលអ្នកផ្សេងនិយាយមិនពិតពីយើង។ គេមិនខ្លាចក្នុងការនិយាយការពិតទេ។

៤. ចាំរំឭកយើង៖ ពេលមានចំណុចខ្វះខាត គេចាំប្រាប់ ឬ ដាស់តឿនជានិច្ច។

៥. ពឹងពាក់គ្នាទៅវិញទៅមក៖ អំពើល្អៗជារឿងត្រូវធ្វើទៅវិញទៅមករវាងមិត្តល្អព្រោះតិចឬច្រើន វានឹងជះឥទ្ធិពលឲ្យគ្នាទៅវិញទៅមក។

មិត្តក្លែងក្លាយ៖

១. មិនដែលទុកយើងក្នុងចិត្ត៖ យើងអាចសម្គាល់ថាគេធ្វើអ្វីមួយដោយគ្មានខ្វល់ពីការគិតយើងសោះតែម្ដង។

២. តែងបដិសេធពេលយើងត្រូវការជំនួយ៖ តែងបង្ហាញថាគេមិនអាចជួយអ្វីបានទេ ជាប់រវល់នេះឬរវល់នោះជាដើម។

៣. មិនដែលហាមយើង៖ គេមិនខ្វល់ពេលឃើញយើងធ្វើខុសទេ ហើយប្រហែលចាំសើចទៀតផង។

ដូចនេះវាជារឿងចាំបាច់ដែលស្ត្រីយើងត្រូវញែករវាងមិត្តភ័ក្ដិទាំងពីរប្រភេទនេះ។ គួរជៀសវាងមិត្តដែលចាំតែយកប្រយោជន៍ ហើយត្រូវរក្សាមិត្តដែលខ្វល់ពីយើងពិតប្រាកដឲ្យយូរអង្វែង៕

ប្រភព៖ herinterest ប្រែសម្រួល៖ Chhai Yarith