ពីបុគ្គលិកប្រាក់ខែត្រឹម៧០ដុល្លារអាមេរិក ក្លាយជាម្ចាស់ក្រុមហ៊ុនទេសចរណ៍

2017-04-01 01:28:04
ចំនួនមតិ 0 | ចំនួនចែករំលែក 0

ការមានក្រុមហ៊ុនផ្ទាល់ខ្លួន គឺជាបំណងប្រាថ្នារបស់មនុស្សជាច្រើន ប៉ុន្តែត្រូវការគំនិតមោះមុត កំណត់ផែនការច្បាស់ ការព្យាយាម ព្រមទំាងសេចក្តីក្លាហានក្នុងការប្រឈមចំពោះហានិភ័យ។ ស្ត្រីខ្មែរវ័យក្មេង ហូ សុធា ដែលសម្រេចបាននូវក្ដីស្រមៃក្នុងការបើកក្រុមហ៊ុនផ្ទាល់ខ្លួន ហើយដំណើរការបានជោគជ័យរហូតមកទល់សព្វថ្ងៃ ពឹងផ្អែកលើមេរៀនជីវិតជាច្រើនដែលសុទ្ធសឹងតែជាបទពិសោធន៍ដ៏មានតម្លៃ។

អ្នកស្រី ហូ សុធា

មុនពេលក្លាយជាម្ចាស់ក្រុមហ៊ុន អ្នកស្រី ហូ សុធា បានសិក្សាចប់បរិញ្ញាបត្រ រដ្ឋបាលធុរកិច្ច និងមានបទពិសោធន៍ជាបុគ្គលិកកក់សំបុត្រយន្តហោះដែលមានប្រាក់ខែត្រឹម៧០ដុល្លារអាមេរិក។ ដោយសារការចេះបត់បែនខ្លួនស្របតាមស្ថានការណ៍ដែលប្រជាពលរដ្ឋខ្មែរចាប់មានជីវភាពធូរធារ ហើយសម្គាល់ឃើញនិន្នាការចេញកម្សាន្តទៅបរទេសកាន់តែផុលផុស អ្នកស្រី ហូ សុធា បានចាប់យកបម្រែបម្រួលនេះ ជាឱកាសរៀបចំសម្រេចផែនការអាជីវកម្ម ដោយបង្កើតបានក្រុមហ៊ុនទេសចរណ៍ ធូវើលដ៍ ត្រាវែល (2World Travel [Cambodia])ជាមួយដើមទុន ២ម៉ឺនដុល្លារ ។

ស្ត្រីខ្មែររូបនេះ ទទួលបានអាជ្ញាប័ណ្ណប្រកបអាជីវកម្មពេញលេញ នៅចុងឆ្នាំ២០០៩ និងដំណើរការដោយជោគជ័យមកទល់សព្វថ្ងៃ។