ជាសង្សារនឹងគ្នា ហេតុអ្វីបានប្រុសៗមិនចូលចិត្តបង្ហាញឲ្យគេដឹងពីទំនាក់ទំនងស្នេហា?

2017-03-16 03:18:26
ចំនួនមតិ 0 | ចំនួនចែករំលែក 0

គូស្នេហ៍ភាគច្រើនគឺបែបនេះ ខាងប្រុសៗមិនចង់ ឬមិនសូវបង្ហាញពីស្នេហារបស់ខ្លួនឲ្យអ្នកដទៃបានដឹងទេ តែខាងស្រីបែរជាចង់ឲ្យគេដឹងពីស្នេហាខ្លួនទៅវិញ។ តើនេះមកពីហេតុអ្វី? អានការបកស្រាយរបស់ប្រុសៗទាំង ៦ នាក់ខាងក្រោម ស្រីៗនឹងយល់កាន់តែច្បាស់៖

អាឡិច៖ «ស្រីៗច្រើនតែគិតថាយើងមិនសូវស្រលាញ់គេ តែតាមពិតស្រលាញ់គេឡើងចង់ឆ្កួតខ្លួនឯងហើយ គ្រាន់តែមិនចង់បង្ហាញ ព្រោះគេថាប្រុសៗចូលចិត្តប្រច័ណ្ឌច្រើន។ ហឹមម.... គិតទៅប្រុសៗចាំតែខុសហួងហែងពេកគេធុញ មិនសូវហួងហែងថាគេមិនស្រលាញ់ ស្រីៗពិបាកយល់ចិត្តមែន»។

រូបតំំណាង

**សុធី**៖ «ពេលខ្លះមនុស្សប្រុសមិនចង់បង្ហាញ ព្រោះគេគិតមិនទាន់ច្បាស់ថានារីម្នាក់នោះពិតជាគូអនាគត របស់គេឬអត់ទេ។ មួយវិញទៀត អាចថាមកពីប្រុសៗចង់ទុកផ្លូវផ្សេងសម្រាប់ខ្លួនឯង ដើម្បីទៅទាក់ទងស្រីផ្សេងទៀតក៏មាន»។

សុក្រិត៖ «សម្រាប់ប្រុសៗមិនចង់បង្ហាញពីទំនាក់ទំនងដូចស្រីៗ ព្រោះមានហេតុផលច្រើនណាស់៖ ទី១ គិតដល់កិត្តិយសគេ បើបែបគ្នាទៅគាត់នឹងខូចឈ្មោះ ទី២ ចង់ទុកពេលមើលចិត្តថ្លើមគ្នាឲ្យច្បាស់ថាប្រាកដអាចដឹកដៃគ្នាចូលរោងការបានអត់។ ទី៣ទុកពេលឲ្យគេ ក៏ដូចជាទុកពេលឲ្យខ្លួនឯងដែរ និងនៅមានហេតុផលច្រើនទៀត»។

ស៊ីដែន៖ «មិនមែនថាមិនចង់បង្ហាញទេ តែខ្លាចពេលបង្ហាញទៅស្នេហាបែរជាមិនដូចបំណង ធ្វើឲ្យយើងខូចចិត្ត។ ស្រីៗច្រើនតែគិតថាពេលបែកគ្នាខាងប្រុសមិនចេះខូចចិត្ត នោះជារឿងមិនពិតទេ តាមការពិតប្រុសៗហ្នឹងហើយឈឺចាប់ជាងស្អីទៅទៀត»។

រូបតំណាង

សុខរស់៖ «ហេហេហេហេ សម្រាប់ខ្ញុំបើនៅតែពីរនាក់ចេះតែបង្ហាញហើយ តែបើនៅចំពោះមុខអ្នកដទៃមិនបង្ហាញ ព្រោះខ្ញុំអៀនអ្នកដែលមើលមកពួកខ្ញុំ។ គេចូលចិត្តនិយាយថា ប្រុសៗមិនដឹងចេះអៀនអីទេ? តែប្រុសៗនឹងហើយពូកែអៀន»។

បុត្រា៖ «អាចថាមកពីខ្ញុំមិន sweet ដូចគេក៏មិនដឹង ទើបមិនដឹងថាបង្ហាញការស្រលាញ់ចំពោះមិត្តស្រីយ៉ាងម៉េច។ តែក្នុងចិត្តខ្ញុំមិនអាចខ្វះគាត់បានឡើយ»៕

អត្ថបទ៖ ទ្រី រ៉ាវី