គិតម៉េចបើចាស់ៗមិនឲ្យលាបពណ៌សក់?

2017-03-14 07:35:58
ចំនួនមតិ 0 | ចំនួនចែករំលែក 0

មនុស្សចាស់សម័យនេះនៅតែមានទស្សន:ប្រកាន់នឹងស្រីៗដែលលាបពណ៌សក់ ពិសេសកូនចៅបង្កើត និងប្រសា។ ចុះស្រីគិតម៉េច បើពួកគាត់ប្រកាន់នឹងរឿងបែបហ្នឹង? អានមតិគ្នាយើងតិចសិន ថាគិតម៉េចបើចាស់ៗមិនអនុញ្ញាតឲ្យលាបពណ៌សក់ដែលខ្លួនស្រលាញ់?

លីតា៖ មិនបាច់និយាយអ្នកណា ទេ គឺម៉ាក់ខ្លាខ្ញុំហើយ គាត់មិនដែលនិយាយរកខ្ញុំទេ ពេលខ្ញុំប្ដូរពណ៌សក់ម្ដងៗ។ មានតែបង្ខាំងចិត្តកុំស្រលាញ់ពណ៌ដែលអ្នកម្ដាយមិនពេញចិត្ត។

សូរិយា៖ មិនមែនស្ដីឲ្យទេ គាត់ជេរហ្មង គាត់ថា«ឆ្អល់ដែរ លាបពណ៌ចឹងៗ ស្អាតកន្លែងណា? សក់ក៏ខូច មើលទៅមិនដឹងជាស្អី»។ តែខ្ញុំលាបហើយបានប្រាប់គាត់ អញ្ចឹងគាត់ថាម៉េចថាទៅបើជ្រុលលាបរួចហើយ។

រូបតំណាង

**ស្រីខួច៖** ស្រលាញ់ណាស់ ពណ៌សក់កាន់តែដិតកាន់តែល្អ តែលាបមិនដែលបានយូរទេ អ្នកផ្ទះរអ៊ូទាល់តែយើងទៅលាបខ្មៅ។ ពិសេសគឺយាយ គាត់តែងនិយាយថា៖ «យើងស្រីខ្មែរលាបទុកសក់ខ្មៅទើបសម សក់ពណ៌បានតែបរទេសទេ»។

ធារី៖ ប៉ាថាឲ្យមធ្យម ងំម៉ាក់ហ្មង បើលាបពណ៌ស្រាលៗ មិនអីទេ តែបើដាក់ជ្រុលចាំមើលចុះ មិនដាច់ញាំបាយទេ គាត់ស្ដីឲ្យឡើងឆ្អែតបាយ «បើពីក្រមុំម៉ាក់លាបសក់បែបហ្នឹង មើលទៅប៉ាកូនឯងមិនយកម៉ាក់ទេ!»។

ស្រីមុំ៖ គ្រួសារគេ ម៉េចខ្ញុំមិនដឹងទេ តែចំពោះម៉ាក់ប៉ា ខ្ញុំគាត់មិនដែរថាអីផង ។ មានតែអ្នកជិតខាងមកនិយាយ គាត់អ្នកថាឲ្យគេវិញ «ក្មេងៗសម័យនេះ ចង់ស្អាតចង់ប្លែក បើបិទសិទ្ធិសូម្បីការលាបសក់ វាហួសហេតុពេក»។

កន្និថា៖ បងឯងមើលសក់ខ្ញុំទៅដឹងហើយ ដុះខ្មៅមិនទាន់ទេខ្ញុំលាបហើយ ម៉ាក់អត់ថាអីទេ តែប៉ាគាត់ថា៖ «កូនអើយកូន នៅមិននៅយកជាតិគីមីមកទូលលើក្បាល» គាត់និយាយតែអញ្ចឹង។

ចុះស្រីៗផ្សេងទៀត ពេលលាបសក់ដែរលត្រូវមាត់អត់?

អត្ថបទៈ តាំង ដាលីន