ស្រីៗដឹងអត់ថា សង្សារចូលចិត្តឲ្យយើង Makeup ក្រាស់ៗ ឬស្ដើងៗ?

2017-02-20 05:09:50
ចំនួនមតិ 0 | ចំនួនចែករំលែក 0

ពេលចូលរួមក្នុងកម្មវិធីម្ដងៗ ស្រីចំណាយពេលយ៉ាងច្រើនទៅលើការផាត់មុខធ្វើសក់ ដើម្បីឲ្យមើលទៅស្អាត។ ក្នុងការផាត់មុខនេះមានពីរជម្រើស គឺផាត់មុខក្រាស់(ផាត់មុខសិចស៊ី) ឬស្ដើង(ផាត់មុខបែបធម្មជាតិ)។ តើស្រីៗយើងដឹងអត់ថាមនុស្សប្រុសចូលចិត្តឲ្យសង្សារខ្លួន Makeup របៀបណា?

គីមឡុង៖ «ពេលទៅចូលរួមកម្មវិធីអីផ្សេងៗជាមួយខ្ញុំ ខ្ញុំតែងប្រាប់ឲ្យមិត្តស្រីផាត់មុខស្ដើងៗបែបធម្មជាតិទៅបានហើយ ហើយសក់នោះទៀតមិនបាច់ធ្វើអីច្រើនទេ គាបទម្លាក់មកបានហើយ។ ខ្ញុំគិតថាមនុស្សស្រីធ្វើខ្លួនប៉ុណ្ណឹងគឺស្អាតណាស់ទៅហើយ»។

សត្យា៖ «ចំពោះខ្ញុំអត់ចូលចិត្តឲ្យសង្សារធ្វើខ្លួនខ្លាំងឡើយ។ តែពេលទៅចូលរួមកម្មវិធីមង្គលការ ឬជប់លៀងធំៗខ្ញុំស្រលាញ់ការផាត់មុខសិចស៊ី ហើយស្លៀកពាក់មើលទៅលេចធ្លោជាងគេទៅ ព្រោះយូរៗធ្វើខ្លួនម្ដង ចឹងលេងឲ្យអស់ដៃហ្មង»។

សីលា៖ «ខ្ញុំចូលចិត្តឲ្យមិត្តស្រីធ្វើខ្លួនធម្មតាៗវិញ។ ខ្ញុំខ្លាចពេលគាត់ធ្វើខ្លួនខ្លាំងពេកទៅ ពេលទៅណាមកណាជាមួយគ្នាខ្ញុំមិនសមនឹងគាត់ ព្រោះគាត់ស្អាតស្រាប់ ហើយខ្ញុំមិនសូវសង្ហាផង»។

រូបតំណាង

**ភក្រ្តា**៖ «ផាត់មុខក្រាស់ ឬស្ដើងគាត់នៅតែជាសង្សារខ្ញុំនឹង ហើយគាត់ចូលចិត្តមួយណាក៏បានដែរ។ តែខ្ញុំគ្រាន់តែរំលឹកគាត់ថាបើកម្មវិធីធំដុំយើងធ្វើខ្លួនឲ្យមើលទៅស្អាតជាងរាល់ដងទៅ។ តែបើកម្មវិធីធម្មតាៗល្មមៗបានហើយ ខ្លាចគេមើលមកយើងជាមនុស្សចម្លែក»។

សុខលីម៖ «ហឹមមម ពិបាកនិយាយថាចូលចិត្តបែបណា ឬមិនចូលចិត្តបែបណាណាស់ ព្រោះជាសិទ្ធផ្ទាល់ខ្លួនរបស់គាត់។ តែសម្រាប់ខ្ញុំចូលចិត្តធម្មតាៗ មិនឆើតឆាយពេក ហើយក៏មិនអន់ពេកដែរឲ្យតែចូលគេចុះបានហើយ»។

បញ្ញា៖ «សម្រាប់ខ្ញុំឲ្យតែធ្វើខ្លួនទៅស្អាត យ៉ាងម៉េចក៏បានដែរកុំឲ្យទៅទាំងធម្មតាពេក។ តែបើជ្រុងជា makeup ហើយធ្វើឲ្យស្អាតទៅ ព្រោះមិនមែនមានឱកាសធ្វើរាល់ថ្ងៃណា»៕