ចង់សម្រកទម្ងន់មែនទេ? ឈប់ទទួលទានភេសជ្ជៈទាំង៦ប្រភេទនេះភ្លាម
- 2023-09-12 23:36:43
- ចំនួនមតិ 0 | ចំនួនចែករំលែក 0
ចង់សម្រកទម្ងន់មែនទេ? ឈប់ទទួលទានភេសជ្ជៈទាំង៦ប្រភេទនេះភ្លាម
ទឹកដោះគោក្រឡុក ខក់ថែល ម៉ាហ្គារីតា និងភេសជ្ជៈប៉ូវកម្លាំង ក៏ដូចជាភេសជ្ជៈដែលមានជាតិហ្គាស សុទ្ធតែធ្វើឱ្យអ្នកឡើងគីឡូទាំងអស់។ ហើយកុំឆ្ងល់ថាហេតុអ្វីបានជាគីឡូមិនស្រកសោះ បើទទួលទាននេះ ទទួលទាននោះដោយមិនថាគិតថាតើវាសមស្រប ឬយ៉ាងណាចំពោះរាងកាយរបស់យើងនោះ។
តោះងាកមកមើលភេសជ្ជៈទាំង ៦ មុខដែលអ្នកមិនគួរពិសាប្រសិនបើចង់បានរាងស្អាត៖
កាហ្វេ៖
ភេសជ្ជៈកាហ្វេដែលមានដូចជាហ្វ្រេបម៉ូកា ឡាតេដែលអ្នកតែងតែទទួលទាននាពេលព្រឹកព្រលឹមពិតជាមិនអាចជួយអ្នកឱ្យស្រកទម្ងន់បានឡើយ។ ប្រសិនបើអ្នកមិនអាចកាត់បន្ថយបានទាំងស្រុង អ្នកគួរតែកាត់បន្ថយបន្តិចទៅ ប្រសិនបើអ្នកចង់បានរាងស្អាត។
ទឹកដោះគោដែលយកជាតិខ្លាញ់ចេញ៖
ការសិក្សាភាគច្រើនបានបង្ហាញថាការទទួលទានទឹកដោះគោដែលមិនមានជាតិខ្លាញ់ងាយនឹងឡើងទម្ងន់ជាងការដែលទទួលទានទឹកដោះគោដែលមានជាតិខ្លាញ់ទៅទៀត។ ម្យ៉ាងវិញទៀតអ្នកគួរចៀសវាងការទទួលទានទឹកដោះគោដែលបន្ថែមស្ករដែលមានដូចជាទឹកដោះគោអាល់មុន ឬទឹកដោះគោដែលមានរសជាតិផ្សេងៗទៀតផងដែរ។
តែក្រូចឆ្មារ៖
ស្ទើរតែគ្រប់ប្រភេទនៃតែទឹកកកដែលអ្នកទទួលទាននៅតាមភោជនីយដ្ឋាន ឬតែកំប៉ុង ឬដបក៏ដោយ វាមិនមែនជារឿងល្អឡើយ។ តាមពិតវាមានជាតិស្ករប្រហាក់ប្រហែលទៅនឹងភេសជ្ជៈសូដា។ យកល្អអ្នកគួរតែឆុងដោយខ្លួនឯង រួចបន្ថែមក្រូចឆ្មារបន្តិចដើម្បីកាត់ជាតិល្វីង។
ទឹកផ្លែឈើ៖
មិនថាអ្នកទទួលវានៅក្នុងបារ ភោជនីយដ្ឋាន ឬហាងលក់ទំនិញផ្សេងៗ អ្នកត្រូវតែដឹងថាវាសុទ្ធតែមានបន្ថែមស្ករទាំងអស់។ ទឹកទំពាំងបាយជូរមួយកែវមានស្ករមួយស្លាបព្រាកាហ្វេ ហើយទឹកក្រូចវិញមានស្កររហូតដល់ ៦ ស្លាបព្រាកាហ្វេឯណោះ។ ការដែលទទួលទានភេសជ្ជៈប្រភេទនេះច្រើនពេកវានឹងធ្វើឱ្យជាតិស្ករក្នុងឈាមឡើងផងដែរ។
ទឹកក្រឡុក៖ ទឹកក្រឡុកធ្វើពីផ្លែឈើ បន្លែមែនប៉ុន្តែវាក៏អាចធ្វើឱ្យអ្នកធាត់បានផងដែរ។ ទឹកក្រឡុកដែលមានចេកមួយផ្លែ ផ្លែប៊ើរីមួយពែង យ៉ាអួមួយពែង និងទឹកដោះគោ ឬទឹកផ្លែឈើតែបន្តិចទេ នឹងធ្វើឱ្យអ្នកឡើងទម្ងន់បានយ៉ាងឆាប់រហ័ស។
ភេសជ្ជៈប៉ូវកម្លាំង៖
អ្នកដឹងថាការគិតរបស់អ្នកខុសឆ្គងដែរឬទេ? អ្នកខ្លះគិតថាការទទួលទានភេសជ្ជៈប៉ូវកម្លាំងដែលមិនមានជាតិស្ករទាល់តែសោះអាចធ្វើឱ្យអ្នកស្រកគីឡូ តាមពិតជាមិនមែនអ៊ីចឹងឡើយ។ ពេលខ្លះអ្នកគិតថាខ្លួនឯងបានទទួលទានអាហារប្រកបដោយសុខភាពល្អ ធ្វើលំហាត់ប្រាណនិងទទួលទានដំណេកគ្រប់គ្រាន់ ហើយវានឹងកាន់តែប្រសើរប្រសិនបើអ្នកទទួលភេសជ្ជៈប៉ូវកម្លាំងបន្ថែមទៀតនោះ។ វាមិនមែនធ្វើឱ្យអ្នកស្រកទម្ងន់ទេ វានឹងកាន់តែធ្វើឱ្យអ្នកឡើងទម្ងន់វិញ៕
ប្រែសម្រួលៈ ណាលីតា