វិធីបញ្ឈប់ និងបណ្ដុះរោមភ្នែកឲ្យក្រាស់ វែង ឡើងវិញ

2016-11-30 07:57:28
ចំនួនមតិ 0 | ចំនួនចែករំលែក 0

ជារៀងរាល់ថ្ងៃមនុស្សស្រីត្រូវជ្រុះរោមភ្នែកយ៉ាងហោចណាស់ ៥ ទៅ ៦ សរសៃ។ ចំណែកមូលហេតុធ្វើឲ្យជ្រុះនោះ ព្រោះការញីភ្នែកខ្លាំងៗពេក និងហេតុផលសំខាន់មួយទៀតគឺបណ្ដាលមកពីការគ្រឿងសម្អាងដែលខូចគុណភាព។ ដូចនេះវិធីព្យាបាលងាយៗនេះអាចជួយឲ្យរោមភ្នែកដុះវែងល្អឡើងវិញបាន៖

១.វីតាមីន E

ល្បិចមួយដែលអាចជួយឲ្យរោមភ្នែកដុះវែងល្អនោះ អ្នកគួរប្រើប្រាស់វីតាមីន E ។ វីតាមីន E មិនត្រឹមតែជាឱសថដ៏ល្អសម្រាប់ព្យាបាលស្នាមជាំនៅលើស្បែកប៉ុណ្ណោះទេ តែវាធ្វើឲ្យរោមភ្នែកអ្នកក្រាស់វែងទៀតផង។ គ្រាន់តែបំបែកវីតាមីន E ឲ្យម៉ត់ រួចយកទៅលាបលើរោមភ្នែកទុកចោលមួយយប់ចាំលាងទឹកចេញ។ ធ្វើបែបនេះមួយសប្ដាហ៍ នឹងទទួលបានលទ្ធគួរជាទីពេញចិត្ត។

២.តែបៃតង

តែបៃតងអាចប្រើដើម្បីធ្វើឲ្យរោមភ្នែកដុះលឿន និងវែងផងដែរ។ វិធីប្រើឆុងតែបៃតងទុកឲ្យត្រជាក់ បន្ទាប់មកយកជក់ជ្រលក់ក្នុងទឹកតែនោះ ហើយអូសវានៅលើគល់រោមភ្នែក។ ជាតិកាហ្វេអ៊ីន និងសារជាតិ flavonoids នៅក្នុងតែបៃតងនឹងជួយរក្សា និងជំរុញកំណើនរោមភ្នែកថ្មីឲ្យឆាប់ដុះ។

៣.ប្រទាលកន្ទុលក្រពើ

ប្រទាលកន្ទុយក្រពើគឺជាឱសថដល់ល្អ ដែលអាចជួយដោះស្រាយបញ្ហាបានច្រើនយ៉ាង។ ប្រសិនបើអ្នកចង់បានចិញ្ចឹម រោមភ្នែក ក្រាស់វែងគួរតែលាបជែលរបស់ប្រទាលកន្ទុលក្រពើ លាបត្រង់ចំណុចសំខាន់នោះមុនពេលចូលគេង ដោយប្រើដំបងដងម៉ាស្ការ៉ាដែលស្អាត។ ព្រឹកឡើងចាំលាងសម្អាត។ អនុវត្តន៍បែបនេះរាល់ថ្ងៃ នោះនឹងធ្វើឲ្យរោមភ្នែកកាន់តែដុះលឿន និងរឹងមាំ។

៤.ម៉ាស្សាត្របកភ្នែក

វិធីងាយស្រួលមួយទៀត គឺគ្រាន់តែម៉ាស្សានៅជុំវិញត្រលប់ភ្នែកឲ្យសរសៃឈាមរត់ស្រួលក៏អាចជួយធ្វើឲ្យរោមភ្នែករបស់អ្នកដុះលូតលាស់វែង និងកាន់តែរឹងមាំបានដែរ។ ធ្វើរៀងរាល់ថ្ងៃ ដោយ ចលនាជារង្វល់នៅលើត្របកភ្នែកដោយថ្នមៗនោះដោយមិនចាំបាច់លាបអ្វីក៏បានដែរ៕

ប្រភព៖ Beautyandtips ប្រែសម្រួល៖ ទ្រី រ៉ាវី