គួរជៀសវាងអ្វីខ្លះអំឡុងពេលមករដូវ?

2023-09-09 02:07:00
ចំនួនមតិ 0 | ចំនួនចែករំលែក 0

ការមករដូវ និងការយល់ដឹងពីវាមានសារសំខាន់សម្រាប់នារីៗគ្រប់រូប។ ដូច្នេះហើយអ្នកគួរយល់ដឹងពីអ្វីដែលត្រូវធ្វើនឹងអ្វីដែលមិនត្រូវធ្វើ។ ខាងក្រោមនេះជាចំណុចមួយចំនួនអ្នកគួរជៀសវាងក្នុងអំឡុងពេលមករដូវ។

១. ជៀសវាងអាហារមួយចំនួន ក្នុងអំឡុងពេលមករដូវ អ្នកគួរជៀសវាង ញាំនំ ឬ ភេសជ្ជៈដែលមានជាតិកាហ្វេអ៊ីន ដូចជាសូកូឡា ឬកាហ្វេ ព្រមទាំងអាហារកំប៉ុង, អាហារបំពងដែលប្រើប្រេងច្រើន និងជៀសវាងអាហារផ្អែម ឬប្រៃខ្លាំង។

២. កុំមើលរឿងកើតទុក្ខ វាអាចធ្វើឲ្យអ្នកកាន់តែពិបាកគ្រប់គ្រងអារម្មណ៍ ហើយស្ត្រេសបន្ថែមទៀត។ យល់ល្អគួរមើលរឿងសប្បាយៗ ប្រសើរជាង។

៣. មិនហាត់ប្រាណ មករដូវមិនមែនមានន័យថាអ្នកត្រូវគេងលើគ្រែ លេង Facebook ឬដេកស្ងៀមនោះទេ។ អ្នកអាចទៅហាត់ប្រាណ ព្រោះវាអាចជួយកាត់បន្ថយការឈឺចាប់បានខ្លះ។

៤. ប្រើសំឡីតែមួយពេញមួយថ្ងៃ ត្រូវផ្លាស់ប្ដូរ ៦ ម៉ោងម្ដង ឬឆាប់ជាងនេះពេលមករដូវ។ ការមិនផ្លាស់ប្ដូរសំឡីនឹងធ្វើឲ្យបាក់តេរីបង្កជាក្លិនមិនល្អ ជាពិសេសពេលអ្នកបែកញើស។ កុំភ្លេចដាក់សំឡីនៅក្នុងកាបូបដើម្បីផ្លាស់ប្ដូរផងណា។

៥. គិតថាការមួម៉ៅជារឿងធម្មតាពេលមករដូវ គ្មាននរណាពេញចិត្តពេលអ្នកមួម៉ៅទេ។ វាពិតណាស់ថាអ្នកអាចពិបាកគ្រប់គ្រងអារម្មណ៍ តែអ្នកគួរប្រាប់ដៃគូរបស់អ្នកតាមសម្រួលថាអ្នកត្រូវការពេលផ្ទាល់ខ្លួនខ្លះ។ គួរបន្ធូរអារម្មណ៍ដោយការអានសៀវភៅ អានអត្ថបទសុខភាព ឬស្វែងរកមើលម៉ូដសំលៀកបំពាក់ថ្មីៗផ្សេងៗតាមចំណូលចិត្ត៕

ប្រភព៖ Steptohealth ប្រែសម្រួល៖ ដេត ធន្នី