៦ វិធីទាក់ទាញចិត្តសង្សារចាស់ឲ្យត្រលប់មកវិញ ហើយគ្មានថ្ងៃចាកចេញទៅម្ដងទៀត

2016-11-28 02:25:34
ចំនួនមតិ 0 | ចំនួនចែករំលែក 0

នារីណាខ្លះធ្លាប់បែកគ្នា និងចង់ឲ្យសង្សារចាស់វិលមកវិញ? បើចង់សាកវិធីទាក់ចិត្តងាយៗខាងក្រោមនេះ ធានាថាអតីតសង្សារអ្នកនឹងវិលត្រលប់មក ហើយគ្មានថ្ងៃទៅចោលអ្នកម្ដងទៀតជាដាច់ខាត៖

១.ធ្វើខ្លួនឲ្យស្អាតជាងមុន

ចំណុចនេះគឺសំដៅលើការតុបតែង និងលេងខ្លួនឲ្យកាន់តែស្រស់ស្អាតសិចស៊ីជាងនៅសេពគប់គ្នា។ ពេលយើងចែកផ្លូវពីគេ ហើយយើងធ្វើខ្លួនឡូយជាងពេលនៅជាសង្សារជាមួយគេ ប្រុសៗនឹងមានអារម្មណ៍សោកស្ដាយ។ ជាពិសេសប្រសិនបើមានមិត្តភ័ក្ដិបង្អាប់ ឬញុះលេង គេនឹងរកផ្លូវត្រូវគ្នាវិញមិនខាន។

២.ចេះអភ័យទោស

បើពេលនៅស្រលាញ់ធ្លាប់មានកំហុសរហូតធ្វើឲ្យបែកបាក់គ្នានោះ អ្នកគួរតែអភ័យទោសរាល់កំហុសកន្លងមក។ ធ្វើបែបនេះគេមិនត្រឹមតែគិតថាអ្នកជាមនុស្សចិត្តទូលាយប៉ុណ្ណោះទេ តែគាត់ក៏អាចលើកលែងដល់យើងវិញដែរ ព្រោះរយៈពេលសេពគប់កន្លងមកមិនមែនខុសតែម្ខាងដែរ។

៣.កុំរកសង្សារថ្មី

ស្រីៗមួយចំនួន ពេលបែកគ្នាភ្លាមចូលចិត្តរកអ្នកថ្មី ដើម្បីជំនួស ឬបញ្ឈឺអ្នកចាស់។ ប៉ុន្តែវានឹងមិនជួយអ្នកបំភ្លេច ឬឲ្យសង្សារចាស់ត្រលប់ក្រោយឡើយ។ ពេលឃ្លាតឆ្ងាយគ្នា អ្នកគួរតែមានមិត្តភ័ក្ដិជិតស្និទ្ធជាប្រុសស្អាត ឆ្លាត នៅជិតអ្នកគ្រប់ពេល នោះគាត់នឹងច្រណែន ហើយវិលមករកអ្នកវិញជាមិនខាន។ តែកុំបង្ហោះរូបភាពឆោតល្ងង់ដូចជាក្នុងអាការៈ ស្រវឹង ឬ status ខូចចិត្ត ព្រោះគាត់គិតថាអ្នកជាមនុស្សខ្វះប្រុសមិនបាន ហើយគ្មានថ្ងៃវិលមកវិញទេ។

៤.ផ្លាស់ប្ដូរការរស់នៅ

ប្រសិនបើអ្នកប្រាកដប្រជា និងពិតជាចង់ឲ្យអតីតសង្សារត្រលប់មកជួបជុំគ្នាម្ដងទៀតមែន អ្នកគួរតែផ្លាស់ប្ដូរ។ ការផ្លាស់ប្ដូរអាចនឹងមិនមានភាពងាយស្រួលនោះទេ ប៉ុន្តែវាជាការចាំបាច់ប្រសិនបើអ្នកចង់ឲ្យទំនាក់ទំនងប្រសើរជាងពេលមុន។ អ្វីដែលគួរតែដូរមានឥរិយាបថ ទម្លាប់មិនល្អមួយចំនួន និងចារិកចង់តែឈ្នះ។

៥.ផ្ដើមទំនាក់ទំនងជាថ្មី

មិនមែនមានន័យថាបែកគ្នា ហើយគឺឈប់មើលមុខគ្នាទេ។ តែយើងគួរតែបើកចិត្តទូលាយរាប់អានអតីតសង្សារជាមិត្ត។ ស្ថិតក្នុងដំណាក់កាលជាមិត្ត ច្បាស់ណាស់គាត់ប្រាកដជានឹករលឹកគ្រាផ្អែមល្ហែមពេលសង្សារនឹងគ្នា។ អ្វីដែលកាន់តែអស្ចារ្យខាងប្រុសប្រាកដជាគិតថា យើងមិនចេះប្រកាន់ច្រើន ព្រោះភាគច្រើនស្រីណាបែកពីមិត្តប្រុសខ្លួនហើយ អាចរាប់អានគ្នាបានទៀតទេ។

៦.កុំនិយាយដើមគេ

ភាគច្រើនស្រីៗដែលចូលចិត្តនិយាយដើមសង្សារ ក្រោយបែកគ្នាគឺ មិនដែលត្រូវគ្នាវិញទេ។ តែបើអ្នកមិននិយាយក្រោយខ្នង នោះសង្សារចាស់នឹងអាចសុំត្រូវគ្នាវិញក៏ថាបាន។ ព្រោះការបែកពេលខ្លះមកពីអារម្មណ៍មួយឆាវ ហើយបើឮគេប្រាប់ថាសង្សារនិយាយមិនល្អ ក្រោយខ្នងអាចនឹងបែកជារៀងរហូត។

ប្រភព៖ Youqueen ប្រែសម្រួល៖ ទ្រី រ៉ាវី