តិចនិចចែចង់ធ្វើឲ្យបុរសចាប់អារម្មណ៍លើអ្នក

2023-09-07 08:31:00
ចំនួនមតិ 0 | ចំនួនចែករំលែក 0

រកឃើញបុរសដែលខ្លួនឯងពេញចិត្តហើយ តែមិនដឹងថាធ្វើម៉េចឲ្យគេចាប់អារម្មណ៍លើអ្នកមែនទេ? អ្នកមិនអាចបង្ខំនរណាម្នាក់ឲ្យមកស្រលាញ់អ្នកបានទេ ប៉ុន្តែអ្នកអាចប្រើមន្ដស្នេហ៍ពីធម្មជាតិរបស់អ្នកទាក់ទាញបុរសម្នាក់នោះបាន។

ខាងក្រោមនេះគឺជាតិចនិចជួយតាមប្រមាញ់បុរសក្នុងក្ដីស្រមៃរបស់អ្នក ៖

ត្រូវមានទំនុកចិត្តលើខ្លួនឯងជាមុនសិនថាអ្នកពិតជាចូលចិត្តបុរសម្នាក់នោះ
អ្នកគួរស្វែងយល់ថាគេចូលចិត្តអ្វី និងមិនចូលចិត្តអ្វីដើម្បីឲ្យអ្នកមិនភ្លាត់ស្នៀតពេលនៅជាមួយគ្នា
រក្សាសុខភាព និងភាពស្រស់ស្អាតរបស់អ្នកដើម្បីឲ្យគេឃើញថាអ្នកមានថាមពលនិងរស់រវើកជានិច្ច
តែងខ្លួនបែបស៊ិចស៊ីបន្តិចតែតាមចំណូលចិត្តរបស់អ្នក ព្រោះរូបរាងខាងក្រៅជាចំណុចទាក់ទាញខ្លាំងបំផុត
រកឱកាសល្អជួបគេដោយចៃដន្យ តែអាថ៌កំបាំងបន្តិច និងត្រូវប្រាកដចិត្តថាពេលនោះគេចាប់អារម្មណ៍លើអ្នកតែម្នាក់គត់
ញញឹមនិងសើចឲ្យបានច្រើនព្រោះថាមនុស្សប្រុសមិនចូលចិត្តមនុស្សស្រីដែលតែងតែធ្វើមុខក្រៀមក្រំនោះទេ
បង្កើនមិត្តភាពដោយនិយាយគ្នាឲ្យបានច្រើននិងធ្វើសកម្មភាពផ្សេងៗជាមួយគ្នា
ព្យាយាមស្គាល់មិត្តភក្តិរបស់គេឲ្យបានច្រើន
ផ្ញើសារទៅគេយូរៗម្ដងដើម្បីដាស់តឿនគេមិនឲ្យភ្លេចអ្នកនិងបង្កើនភាពស្និទ្ធស្នាល
បបួលគេចេញទៅក្រៅដូចជាទៅមើលកុន ដើរផ្សារ ឬញ៉ាំអីជាដើម
បន្ទាប់ពីចំណាយពេលជាមួយគ្នាពេញមួយថ្ងៃ អ្នកអាចរកឱកាសបង្ហាញពីអារម្មណ៍របស់អ្នកចំពោះគេ ប៉ុន្តែត្រូវប្រាកដចិត្តថាគេក៏មានអារម្មណ៍លើអ្នកខ្លះដែរ៕

ប្រភព៖ wikihow

ប្រែសម្រួលៈ ស្រអែម