ការអភិវឌ្ឍសំខាន់ៗ​ របស់កូនចាប់តាំងពីពេលកំណើត ដល់អាយុ១ខែ

១.ទារកភាគច្រើនអាចមានការវិវឌ្ឍដូចជា៖

• ងើយក្បាលបន្តិចដោយខ្លួនឯងនៅពេលម្តាយដាក់កូននៅលើពោះ

• ជញ្ជក់បានយ៉ាងល្អ

• កម្រើកដៃ កម្រើកជើងទាំងសងខាងបាន

• លើកដៃប៉ះមុខខ្លួនឯង

• ចាប់ផ្តើមចេះផ្តោតលើមុខមនុស្ស

២.ទារក៥០% អាចមានការវិវឌ្ឍដូចជា៖

• មានប្រតិកម្មតបនឹងសម្លេងខ្លាំងៗដោយការកន្ត្រាក់ លើកដៃជើង យំ ឬមួយនៅស្ងៀមជាដើម។

៣.ទារកខ្លះទៀតអាចមានការវិវឌ្ឍដូចជា៖

• ងើយក្បាលបាន៤៥ដឺក្រេដោយខ្លួនឯងនៅពេលម្តាយដាក់កូននៅលើពោះ
• បញ្ចេញសម្លេងតាមវិធីផ្សេងក្រៅពីការយំ ដូចជាសម្លេង អូ អា ហេ ហរ...
• ញញឹមដាក់យើងវិញ នៅពេលយើងញញឹមដាក់គេ

៤.ទារកភាគតិចអាចមានការវិវឌ្ឍដូចជា៖

• ងើយក្បាលបាន៩០ដឺក្រេដោយខ្លួនឯងនៅពេលម្តាយដាក់កូននៅលើពោះ
• ក្បាលត្រង់នៅពេលពរកូនបញ្ឈរ
• លើកដៃទាំងពីរដាក់ចូលគ្នា
• ញញឹមដោយឯកឯង