ពេលមេឃភ្លៀងខុសរដូវ នឹងអាចបង្កបញ្ហាសុខភាពជាច្រើនដល់កុមារដូចជា៖

១. ជំងឺផ្លូវដង្ហើម៖ ជំងឺផ្តាសាយធម្មតា និងផ្តាសាយធំ រលាកទងសួត រាកសួត និងហឺតជាដើម។

២. ជំងឺឆ្លងតាមទឹក៖ រាគរូស និងរាកមួល ជំងឺប្រព័ន្ធរំលាយអាហារ។

៣. ជំងឺដែលឆ្លងតាមមូសខាំ៖ គ្រុនឈាម គ្រុនចាញ់។

៤. បញ្ហាស្បែក៖ អាឡែកហ្ស៉ី កន្ទួលក្រហម រមាស់ស្បែក។

វិធីសាស្ត្របង្ការបញ្ហាខាងលើនេះ៖

១. ការការពារពីជំងឺផ្លូវដង្ហើម

• រក្សាអនាម័យផ្លូវដង្ហើម
• ការពារកូនកុំអោយត្រូវភ្លៀង
• ជៀសវាងការនៅជិតអ្នកកំពុងឈឺ

២. បង្ការជំងឺឆ្លងតាមទឹក

• ប្រើទឹកដាំស្អាតសម្រាប់ពិសា និងចម្អិនអាហារ
• លាងដៃឱ្យបានញឹកញាប់ ជាពិសេសមុនពេលបរិភោគអាហារ
• បរិភោគអាហារដែលឆ្អិនល្អ

៣. ការបង្ការជំងឺឆ្លងតាមមូស

• ដេកក្នុងមុង
• ប្រើថ្នាំកំចាត់មូសដែលមានសុវត្ថិភាពសម្រាប់កុមារ
• កម្ចាត់ទឹកដក់ជុំវិញផ្ទះ
• រក្សាបរិស្ថានស្អាតជុំវិញផ្ទះ

៤. ការការពារស្បែក

• បរិភោគអាហារសម្បូរវីតាមីន
• ប្រើសាប៊ូផ្តល់សំណើម កំចាត់មេរោគ
• ជូតខ្លួនកូនអោយបានស្ងួត ពិសេសបើត្រូវទឹកភ្លៀង
• លាបឡេផ្តល់សំណើម ការពារស្បែក
• អោយកូនផឹកទឹកអោយបានគ្រប់គ្រាន់

សូមប៉ាម៉ាក់ពិនិត្យសីតុណ្ហភាពកុមារ​ បើសង្ស័យថាមាន គ្រុនក្តៅ។ ពិសេសសង្កេតមើលកុមារ រកមើលរោគសញ្ញាខុសប្រក្រតីរបស់ក្មេង បើកុមារមានរោគសញ្ញាធ្ងន់ធ្ងរ ឬគ្រុនក្តៅខ្លាំង ក្អកខ្លាំង ពិបាកដកដង្ហើម ឬរាកមួលធ្ងន់ធ្ងរ សូមឆាប់នាំកូនៗរបស់អ្នកទៅពិនិត្យជាមួយគ្រូពេទ្យជំនាញជាបន្ទាន់កុំទុកយូរអាចនាំឲ្យកុមារជួបគ្រោះថ្នាក់ណាប៉ះពាល់ដល់អាយុជីវិតគាត់បាន។