គួរស្លៀកសម្លៀកបំពាក់និងគ្រឿងប្រើប្រាស់តាមពណ៌និមួយៗដើម្បីទទួលលាភសំណាងចូលនាថ្ងៃចូលឆ្នាំថ្មីប្រពៃខ្មែរ

សង្កេតមើលអត្ថន័យពណ៌និមួយៗ និងការតំណាងឲ្យពណ៌ដែលអ្នកកំពុងជ្រើសរើសយកមកស្លៀកខាងក្រោម៖

១. ថ្ងៃអាទិត្យ៖ ពណ៌សិរីសួស្ដីរបស់ថ្ងៃអាទិត្យគឺ ពណ៌ក្រហម តំណាងឲ្យភាពអង់អាច ក្លាហាន។

២.ថ្ងៃច័ន្ទ៖ ​ពណ៌សិរីសួស្ដីសម្រាប់ថ្ងៃច័ន្ទគឺ ពណ៌លឿង តំណាងឲ្យសមភាព ភាពស្មើគ្នា។

៣.ថ្ងៃអង្គារ៖​ ពណ៌សិរីសួស្ដីរបស់ថ្ងៃអង្គារគឺ ពណ៌ស្វាយ តំណាងឲ្យភក្ដីភាពនិងភាពស្មោះស្ម័គ្រ។

៤.ថ្ងៃពុធ៖ ពណ៌សិរីសួស្ដីរបស់ថ្ងៃពុធគឺ ពណ៌ស៊ីលៀប តំណាងឲ្យអព្យាក្រឹត្យភាព។

៥.ថ្ងៃព្រហស្បត្តិ៍៖​ ពណ៌សិរីសួស្ដីរបស់ថ្ងៃព្រហស្បត្តិ៍គឺ ពណ៌បៃតង តំណាងឲ្យក្ដីសង្ឃឹមនិងក្ដីស្រម៉ៃ។

៦.ថ្ងៃសុក្រ៖​ ពណ៌សិរីសួស្ដីរបស់ថ្ងៃសុក្រគឺ ពណ៌ខៀវ តំណាងឲ្យមេត្តាភាព។

៧.ថ្ងៃសៅរ៍៖​ ពណ៌សិរីសួស្ដីរបស់ថ្ងៃសៅរ៍គឺ ពណ៌ព្រីងទុំ តំណាងឲ្យភាពសោកសៅនិងទុកព្រួយ។

ដោយឡែកពណ៌និមួយៗដែលបានរៀបរាប់ខាងលើសង្ឃឹមថាអ្នកទាំងអស់គ្នាអាចចាប់បាននឹងរៀបចំស្លៀកទៅតាមពណ៌តាមថ្ងៃដើម្បីឲ្យលាភសំណាងហូចូលក្នុងជីវិតគ្រួសារមានសុភមង្គល។