ហាន់ខ្ទឹមបារាំងម៉េចកុំឲ្យហូរទឹកភ្នែកគួរធ្វើដូចម្តេច? ឲ្យតែពេលហាន់ខ្ទឹមបារាំងទឹកភ្នែកដឹងតែហូរហ្ម៎ង! កុំខឹងវាអីវាមិនចង់ធ្វើឲ្យអ្នកយំទេព្រោះថានេះជាចំណុចខ្លាំងរបស់វាដើម្បីការពារកុំឲ្យសត្វផ្សេងៗស៊ីវាជាចំណី។ ចំពោះមនុស្សក៏ដូចគ្នា តែពិសេសត្រង់ថាយើងមានវិធីសាស្រ្តពីរយ៉ាងអាចការពារបាន។

វិធីទី ១ បើកកង្ហារពេលអ្នកកំពុងហាន់ខ្ទឹមបារាំង តែត្រូវដាក់ពីចំហៀងមិនត្រូវដាក់ចំពីមុខទេ។ ធ្វើដូចនេះវាអាចការពារមិនឲ្យសារជាតិគីមីដែលចេញពីខ្ទឹមបារាំងចូលក្នុងភ្នែក មាត់ និងច្រមុះរបស់អ្នកបាន។

វិធីទី ២ ក្លាស្សេខ្ទឹមបារាំងក្នុងទូរទឹកកកឲ្យត្រជាក់ជាមុនសិន ព្រោះថានៅពេលដែលវាត្រជាក់ម៉ូលេគុលរបស់វាក៏ចុះត្រជាក់ដែរដែលធ្វើឲ្យសារជាតិគីមីផ្លាស់ទីយឺតជាងមុន។ ដូច្នេះមុននឹងវាហើរមកដល់ភ្នែករបស់អ្នក អ្នកហាន់វារួចរាល់ទៅហើយ។​ ចាប់ពីពេលនេះតទៅ ហាន់ខ្ទឹមបារាំងលែងជាបញ្ហាទៀតហើយ! កុំភ្លេចសាកល្បងធ្វើណា៎!