មូលហេតុ រោគសញ្ញា ការបង្ការ និងគន្លឹះសុខភាពសម្រាប់ឪពុកម្តាយជំងឺផ្លូវដង្ហើមតាមរដូវកាល រឺ Seasonal Respiratory Illness គឺជាបញ្ហាសុខភាពទូទៅមួយដែលប៉ះពាល់ដល់កុមារតូចៗនៅសាលារៀន។​ វាកើតឡើងញឹកញាប់ជាងគេនៅរដូវត្រជាក់ រដូវធ្លាក់ខ្យល់ និងរដូវវស្សា។

មូលហេតុចម្បង៖

• មេរោគវីរុស និងបាក់តេរី

• ការប៉ះពាល់ជាមួយកុមារឈឺផ្សេងទៀត

• ប្រព័ន្ធភាពស៊ាំនៅខ្សោយ

• បរិយាកាសត្រជាក់និងសើម

រោគសញ្ញារួមមាន៖

• ក្អក
• ហៀរសំបោរ
• គ្រុនក្តៅ
• ឈឺបំពង់ក
• ពិបាកដកដង្ហើម
• អស់កម្លាំង

• ការបង្ការ និងគន្លឹះសុខភាពសម្រាប់ឪពុកម្តាយ៖

១. លាងដៃឱ្យបានញឹកញាប់៖ បង្រៀនកូនៗឱ្យលាងដៃជាមួយសាប៊ូនិងទឹកយ៉ាងហោចណាស់ អោយបាន២០វិនាទី។

២. ការចាក់វ៉ាក់សាំង៖ ធានាថាកូនរបស់អ្នកបានទទួលវ៉ាក់សាំងគ្រប់ចំនួនតាមកាលវិភាគ កុំចេះតែភ្លេច និងពន្យាពេល ការពន្យាពេល អាចអោយកូនឈឺបាន។

៣. អនាម័យល្អ៖ បង្រៀនកូនៗឱ្យចេះខ្ទប់មាត់ពេលក្អកឬកណ្តាស់។

៤. រក្សាភាពកក់ក្តៅ៖ ស្លៀកពាក់ឱ្យកូនសមរម្យទៅតាមអាកាសធាតុ។

៥. អាហារូបត្ថម្ភ៖ ផ្តល់អាហារសម្បូរវីតាមីននិងសារធាតុចិញ្ចឹម។

៦. ការសម្រាក៖ ធានាថាកូនរបស់អ្នកទទួលបានការសម្រាក គេងបានគ្រប់គ្រាន់ កុំបណ្តោយអោយលេងទូរស័ព្ទយប់ៗពេក។

៧. ការហាត់ប្រាណ៖ លើកទឹកចិត្តឱ្យកូនលេងនៅខាងក្រៅផ្ទះដែលមានបរិយាកាសល្អបរិសុទ្ធ។

៨. បរិយាកាសស្អាត៖ រក្សាផ្ទះនិងបន្ទប់របស់កូនឱ្យមានខ្យល់ចេញចូលល្អ មានអនាម័យ។

៩. ចៀសវាងការប៉ះពាល់៖ បើអាចធ្វើបាន សូមរក្សាកូនឱ្យនៅឆ្ងាយពីអ្នកដែលកំពុងឈឺ។

១០. ពិនិត្យសុខភាពទៀងទាត់៖ ទៅជួបគ្រូពេទ្យជាប្រចាំសម្រាប់ការពិនិត្យសុខភាពកុមារ។ ប្រសិនបើកូនរបស់អ្នកបង្ហាញរោគសញ្ញាធ្ងន់ធ្ងរ ឬមិនធូរស្រាល សូមស្វែងរកជំនួយពីគ្រូពេទ្យភ្លាមៗ។

ប្រភព៖ ម៉ាក់ពេទ្យ