សួតដែលមានសុខភាពល្អគឺជាគន្លឹះក្នុងការរក្សាអាយុវែងប្រកបដោយគុណភាព។ បញ្ហាទាក់ទងនឹងសុខភាពសួតអាចបណ្តាលឱ្យមានផលវិបាកធ្ងន់ធ្ងរ ប្រសិនបើមិនបានការពារ និងព្យាបាលឱ្យបានត្រឹមត្រូវ។ ដូចនេះប្រសិនបើអ្នកចង់ការពារសួត របស់អ្នកឲ្យបានល្អ ចាប់ផ្តើមធ្វើការផ្លាស់ប្តូរបន្តិចបន្តួច អ្នកត្រូវធ្វើរឿង៥យ៉ាងនេះ ៖

១ . ធានាគុណភាពខ្យល់ក្នុងផ្ទះ

ការបំពុលខ្យល់គឺជាមូលហេតុចម្បងមួយនៃការខូចខាតសួត ដូច្នេះការរស់នៅ និងធ្វើការនៅក្នុងខ្យល់ស្អាតមានសារៈសំខាន់ខ្លាំងណាស់។ ទន្ទឹមនឹងនោះ ការដាំរុក្ខជាតិក្នុងផ្ទះក៏ជាមធ្យោបាយដ៏ល្អមួយដើម្បីកែលម្អគុណភាពខ្យល់ផងដែរ។

២ . រក្សារបបអាហារដែលមានសុខភាពល្អសម្បូរទៅដោយសារធាតុប្រឆាំងអុកស៊ីតកម្ម

សារធាតុប្រឆាំងអុកស៊ីតកម្មដូចជា វីតាមីន C វីតាមីន E និងបេតាការ៉ូទីនដែលមាននៅក្នុងបន្លែបៃតង ផ្លែឈើ និងគ្រាប់ផ្លែឈើ ជួយការពារសួតពីរ៉ាឌីកាល់សេរី ដែលបណ្តាលឱ្យខូចខាតកោសិកា។

លើសពីនេះ ការផឹកទឹកឱ្យបានគ្រប់គ្រាន់ជារៀងរាល់ថ្ងៃក៏ជួយធ្វើឱ្យផ្លូវដង្ហើមមានសំណើម បំបាត់ស្លេស្ម និងកាត់បន្ថយហានិភ័យនៃការឆ្លងមេរោគផងដែរ។

៣ . ធ្វើលំហាត់ដកដង្ហើមជ្រៅៗជារៀងរាល់ថ្ងៃ

ការដកដង្ហើមជ្រៅៗមិនត្រឹមតែជួយបង្កើនបរិមាណអុកស៊ីហ្សែនចូលក្នុងសួតប៉ុណ្ណោះទេ ថែមទាំងជួយឱ្យសួតធ្វើការកាន់តែមានប្រសិទ្ធភាព ដោយរុញឧស្ម័នពុលចេញ។ លំហាត់ប្រាណសាមញ្ញមួយគឺដកដង្ហើមចូលយឺតៗតាមច្រមុះរបស់អ្នក សង្កត់ដង្ហើមរបស់អ្នកពីរបីវិនាទី បន្ទាប់មកដកដង្ហើមចេញយឺតៗតាមមាត់របស់អ្នក។

៤ . នៅឱ្យឆ្ងាយពីផ្សែងបារី និងសារធាតុរំញោចដែលបង្កគ្រោះថ្នាក់

ថ្នាំជក់គឺជាមូលហេតុចម្បងនៃជំងឺសួតដូចជាមហារីកសួត COPD និងជំងឺផ្លូវដង្ហើមជាច្រើនទៀត។ ប្រសិនបើអ្នកជក់បារី ចូរប្រឹងប្រែងឈប់ជាបន្ទាន់ ហើយនៅឱ្យឆ្ងាយពីផ្សែងបារី។ ក្នុងពេលជាមួយគ្នានេះ កំណត់ការប៉ះពាល់នឹងសារធាតុពុលដូចជា ផ្សែងផ្ទះបាយ សារធាតុគីមីក្នុងគ្រួសារ ឬសារធាតុបំពុលផ្សេងៗ ដើម្បីការពារសួតរបស់អ្នក។

៥ . ពិនិត្យសុខភាពសួតជាប្រចាំ

ការត្រួតពិនិត្យសុខភាពជាទៀងទាត់ជួយរកឃើញបញ្ហាសួតនៅដំណាក់កាលដំបូង និងផ្តល់ការព្យាបាលទាន់ពេលវេលា ជាពិសេសប្រសិនបើអ្នកមានហានិភ័យខ្ពស់ដូចជាការប៉ះពាល់នឹងផ្សែងបារី ការបំពុលបរិស្ថាន ឬមានប្រវត្តិគ្រួសារមានជម្ងឺសួត។

ប្រភព៖ phunutoday