សញ្ញាមួយចំនួនដែលបុរសផ្លាស់ប្តូរចិត្ត ពីនារីដែលខ្លួនធ្លាប់ស្រលាញ់
- 2024-03-13 03:40:00
- ចំនួនមតិ 0 | ចំនួនចែករំលែក 0
សញ្ញាមួយចំនួនដែលបុរសផ្លាស់ប្តូរចិត្ត ពីនារីដែលខ្លួនធ្លាប់ស្រលាញ់
នៅពេលដែលបុរសម្នាក់ "ផ្លាស់ប្តូរចិត្តរបស់គាត់" អាចនិយាយបានថា មិនសូវមានទំនាក់ទំនងជាមួយអ្នក គាត់ក៏នឹងបង្ហាញវាយ៉ាងច្បាស់ផងដែរពីទង្វើមួយចំនួន និងពាក្យសម្តី។ខាងក្រោមនេះគឺជាសកម្មភាពមួយចំនួន ដែលបុរសមានចិត្តផ្លាស់ប្តូរទៅលើអ្នក ដែលបង្ហាញឲ្យយើងដឹង ៖
១ កាត់បន្ថយចំណាប់អារម្មណ៍លើអ្នក
ប្រសិនបើពីមុនគាត់តែងតែចាប់អារម្មណ៍នឹងជីវិតប្រចាំថ្ងៃរបស់អ្នក ដោយសួរថាតើអ្នកទៅធ្វើការបែបណា ថ្ងៃនេះអ្នកមានគម្រោងការបែបណា សុខភាពរបស់អ្នកយ៉ាងណា ប៉ុន្តែឥឡូវនេះគាត់លែងយកចិត្តទុកដាក់លើរឿងទាំងនេះទៀតហើយ នោះហើយជាសញ្ញាមួយដែលគាត់ បានផ្លាស់ប្តូរ។
២ ឧស្សាហ៍រកលេសអំពីការរវល់ និងគ្មានពេលសម្រាប់អ្នក
បើទោះបីជាគាត់មមាញឹក ក្នុងការបំពេញការងារក៏ដោយ ក៏នៅមានពេលទំនេរសម្រាប់យើងដែរ តែនេះគ្មានទេ បើទោះបីជាទំនេរពីការងារក៏គាត់មិនទំនេរសម្រាប់យើងដែរ ។
៣ ប្រើទូរស័ព្ទកាន់តែច្រើន
ប្រសិនបើគាត់ចំណាយពេលច្រើនពេកនៅលើទូរស័ព្ទ ដោយមិនខ្វល់ពីអ្នក ហើយពេលខ្លះនៅមានរឿងលាក់បាំងមុខក្រោយជាមួយទូរសព្ទ័ នោះក៏អាចបញ្ជាក់បានថា គាត់ផ្លាស់ប្តូរហើយ ដោយមិនមានពេលនិយាយជាមួយអ្នក។មិនត្រឹមតែប៉ុណ្ណោះគាត់អាចរកវិធីដើម្បីរក្សាភាពឯកជន ដូចជាការចំណាយពេលយូរនៅក្នុងបន្ទប់ ឬលាក់បាំងការសម្ងាត់អ្វីមួយ។
៤ ឈ្លោះប្រកែកគ្នាញឹកញាប់
សញ្ញាសំខាន់មួយទៀតគឺថាគាត់ឈ្លោះជាមួយអ្នកញឹកញាប់ សូម្បីតែបញ្ហាតូចតាចក៏ដោយ។ ទោះបីជាអ្នកគ្រាន់តែធ្វើខុសបន្តិចបន្តួចក៏ដោយ វានឹងនាំឱ្យមានការឈ្លោះប្រកែកគ្នាយូរ។ ទោះបីជាអ្នកព្យាយាមនិយាយជាមួយគាត់ដោយស្ងប់ស្ងាត់ក៏ដោយ គាត់ប្រហែលជាមានអារម្មណ៍អាក់អន់ចិត្ត ហើយចាប់ផ្តើមបង្វែរវាទៅជាជម្លោះ។
៥ សន្យាខ្សល់
នៅពេលដែលគាត់បង្ហាញការសន្យាទៅលើអ្នក ថាធ្វើនេះធ្វើនោះ តែជាក់ស្តែងគាត់ធ្វើមិនបាន ដោយយកឡេសថា ភ្លេចឬហេតុផលផ្សេងទៀតជាច្រើនដើម្បីដោះសារ។
៦ អារម្មណ៌ឆ្ងាយគ្នា
បើកាលពីមុន នៅពេលដែលគាត់មានរឿងអ្វីមួយរំភើប កើតទុក្ខ សប្បាយ រំជួលចិត្ត គាត់តែងបើកចំហរឬចែករំលែកទៅកាន់អ្នក តែពេលនេះសូម្បីរឿងតូចតាចក៏គាត់មិនដែលប្រាប់ដែរ នេះហើយគឺជាអារម្មណ៌ដាច់ទំនាក់ទំនងនិងឃ្លាតឆ្ងាយគ្នា។
ប្រភព៖ phunutoday