មនុស្សស្រីដែលស្អាត មិនប្រាកដថាបុរសស្រលាញ់នោះទេ ។ ចំពោះមនុស្សប្រុសដែលនៅតែនឹក និងចងចាំអ្នកថាជាស្ត្រីដែលគាត់មិនអាចភ្លេចបានទោះបីជាអ្នកមិនសូវស្អាតឬយ៉ាងណាក៏ដោយ គាត់នៅតែមិនអាចបំភ្លេចអ្នកបាន លុះណាតែអ្នកមានចំណុចទាំងនេះ ៖

១. ស្ត្រីដែលយល់ពីបុរស

ស្ត្រីដែលមានប្រាជ្ញាតែងតែយល់យ៉ាងខ្លាំងចំពោះបុរស។ នារីដែលចេះស្លូតចេះកាច ចេះលើកចេះដាក់ ចេះប្រើហេតុផលចំពោះបុរស ចេះយល់ ដឹងខុសត្រូវ ចេះអត់អោន ចេះព្រងើយកន្តើយនឹងរឿងដែលមិនចាំបាច់ គឺបុរសចូលចិត្តបែបនេះ ។ មនុស្សប្រុសមិនចូលចិត្តឲ្យមនុស្សស្រីចងជើងឡើយ តែចូលចិត្តដេញតាម។ បើមនុស្សស្រីយល់ពីរឿងទាំងអស់នេះ នោះមនុស្សប្រុសអាចរស់នៅជាមួយនារីម្នាក់នោះបាន ដោយមានសេរីភាព និងសប្បាយចិត្ត ។

២ មនុស្សស្រីដែលមានចិត្តត្រជាក់ គ្មានកំហឹង

សម្រស់ខាងក្រៅរបស់មនុស្សស្រីអាចធ្វើឲ្យបុរសស្រក់ទឹកភ្នែកនៅពេលឃើញដំបូង ប៉ុន្តែដើម្បីឱ្យបុរសធ្លាក់ក្នុងអន្លង់ស្នេហ៍នារីដោយងប់ងល់នោះ ត្រូវការកត្តាជាច្រើន មិនមែនត្រឹមតែរូបរាងខាងក្រៅនោះទេ។ មនុស្សស្រីដែលមានចិត្តត្រជាក់ស្ងប់ មានចិត្តសប្បុរស ចេះស្តាប់ហេតុផល មិនខឹងផ្តេសផ្តាស់ ចេះទុកមុខឲ្យបុរសជាប្តី នោះប្តីដឹងតែស្រលាញ់ដកចិត្តមិនរួច ។

៣ មនុស្សស្រីពូកែយល់ចិត្តបុរស

ស្ត្រីដែលពូកែ គឺជាមនុស្សស្រីដែលមាន សមត្ថភាពក្នុងការចាប់យកចិត្តសាស្ត្ររបស់បុរស និងតម្រូវការ។ ជំនួសឱ្យបុរសជាគូស្នេហ៍ដ៏ល្អឥតខ្ចោះដែលពួកគេចង់បាន ពួកគេចាត់ទុកបុរសជាបុគ្គលដែលមានអ្វីៗដែលពួកគេត្រូវតែយកឈ្នះ។ ពួកគេចង់យកឈ្នះចិត្តបុរស ដើម្បីទទួលការចុះចូលពីពួកគេ។ ស្ត្រីតែងផ្តល់ឲ្យទៅបុរសដែលគាត់ចូលចិត្ត ធ្វើឲ្យបុរសមានអារម្មណ៏សុខស្រួលទាំងផ្លូវកាយនិងផ្លូវចិត្ត នៅពេលដែលគាត់នៅក្បែរ។

បុរសគឺសាមញ្ញជាងស្ត្រី គាត់ត្រូវការនរណាម្នាក់ដែលយល់ពីគាត់ ឱ្យតម្លៃ និងផ្តល់ឱ្យពួកគេនូវអារម្មណ៍រីករាយ។ ហើយពេលមនុស្សស្រីធ្វើរឿងទាំងនោះ បុរសក៏លង់ស្រលាញ់គេអស់មួយជីវិត។

ប្រភព៖ phunutoday