វាពិតជារឿងដ៏គួរឲ្យអាម៉ាស់ណាស់នៅពេលដែលយើងមិនមានលុយ ហើយមិនដឹងជាទៅរកទីពឹងឲ្យអ្នកណាម្នាក់មកជួយដោះទាល់យើង នៅពេលដែលយើងកំពុងលំបាកបែបនេះ។ ដូចនេះប្រសិនបើយើងកំពុងកុនខ្លាំងរឿងបញ្ហាលុយកាក់ សូមកុំពឹងពាក់មនុស្ស៣នាក់នេះឲ្យសោះ ៖

១ មនុស្សច្រណែនមើលងាយអ្នក

ក្នុងគ្រាលំបាក ទោះយើងត្រូវលក់អ្វីក៏ដោយ ក៏មនុស្សនៅតែត្រូវរក្សាតម្លៃខ្លួនឯង ព្រោះមិនចង់ពឹងគេនោះឡើយ។ ជីវិតគឺមិនស្ថិតស្ថេរទេ ហើយគ្មានអ្វីដែលនៅថេរឡើយ។ មិនថាអ្នកមាន ឬអ្នកក្រទេ មានពេលខ្លះដែលយើងត្រូវការជំនួយពីអ្នកជុំវិញខ្លួនយើង ជាពិសេសផ្នែកហិរញ្ញវត្ថុ។ ប៉ុន្តែ ទោះបីជាយ៉ាងណា អ្នកមិនគួរខ្ចីលុយពីមនុស្សមើលងាយអ្នកឡើយ។ ព្រោះមនុស្សទាំងនេះយូរទៅៗ មិនដែលចង់ជួយអ្នកទេ ចាំតែឱកាសឃើញអ្នកដួល ហើយត្រេកអរ និងជាន់ឈ្លីអ្នកថែម។ ប្រសិនបើអ្នកសុំខ្ចីលុយពីមនុស្សទាំងនេះ វាមានលទ្ធភាពខ្ពស់ដែលពួកគេនឹងមិនយល់ព្រម ឬប្រសិនបើពួកគេយល់ព្រម គេពិតជាមានគោលបំណងផ្សេងទៀត ។

២ មិត្តល្អ

ការមានមិត្តជិតស្និទ្ធជារឿងដ៏អស្ចារ្យមួយ ប៉ុន្តែបើចង់ឲ្យមាន ទំនាក់ទំនងល្អជារៀងរហូត គួរកុំឲ្យគ្នាខ្ចីលុយអីល្អជាង។ និយាយដោយស្មោះត្រង់ ការខ្ចីលុយពីមិត្តជិតស្និទ្ធប្រៀបដូចជាដាវមុខពីរ។ ទោះជាយ៉ាងណាក៏ដោយ ករណីពិតជាច្រើនបង្ហាញផ្ទុយពីនេះ លទ្ធផលដែលមិនចង់បានបំផុតនៅពេលខ្ចីលុយពីមិត្តជិតស្និទ្ធនោះគឺការបាត់បង់ទាំងលុយទាំងមិត្ត។ អ្នកឲ្យខ្ចីភ័យព្រួយបារម្ភខ្លាចលុយពិបាកយកមកវិញ តែមិនឲ្យព្រោះខ្លាចគេវាយតម្លៃថាអាត្មានិយមនិងតូចចិត្ត ទើបភាគីអ្នកខ្ចីក៏ស្ទាក់ស្ទើរដូចគ្នា។ លុយគឺជារបស់រសើប ដែលអាចធ្វើឲ្យមិត្តភាពបែកបាក់ ហើយក៏អាចជាចំណងមិត្តភាពដ៏រឹងមាំដែរ។

៣ មនុស្សលោភលន់

បើមនុស្សលោភលន់មើលទៅណាក៏ឃើញតែចំណេញ។ គោលបំណងរបស់ពួកគេគឺតែងតែទទួលបានផលប្រយោជន៍ជាអតិបរមាសម្រាប់ខ្លួនគេ និងទាញយកប្រយោជន៍ពីចន្លោះប្រហោង និងសំណាងអាក្រក់របស់អ្នកដទៃដើម្បីរកប្រាក់ចំណេញ។ ដូច្នេះពេលដែលអ្នកជាប់គាំងនឹងលុយ អ្នកគួរប្រយ័ត្នខ្លាំងបំផុត ហើយកុំខ្ចីលុយពីមនុស្សលោភលន់បែបនេះ។ ពួកគេប្រាកដជាមិនជួយអ្នកទេ ប៉ុន្តែនឹងធ្វើឱ្យអ្នកកាន់តែវេទនា។ តាមពិតទៅ ទោះបីជាពួកគេជួយក៏ដោយ មនុស្សលោភលន់នឹងគិតដោយប្រុងប្រយ័ត្ន ស្វែងរកវិធីខ្ចីប្រាក់អ្នកក្នុងអត្រាការប្រាក់ខ្ពស់ ឬចង់ឱ្យអ្នកបញ្ចាំ និងកាន់កាប់។ អ្វីមួយដែលមានតម្លៃខ្ពស់ជាង។

អ្នកដែលកំពុងមានបញ្ហារឿងលុយកាក់ កំពុងឆ្លងកាត់ពេលវេលាដ៏លំបាក រហូតថ្ងៃខ្លះភ្ញាក់ពីគេង ធ្វើឱ្យអ្នកមានអារម្មណ៍ថាមានសម្ពាធយ៉ាងខ្លាំង ធ្វើឲ្យអ្នកមានអារម្មណ៍ច្របូកច្របល់។ ដូចនេះបើសិនជាមិនចង់ឲ្យមានការខ្ចីលុយគេ យើងគួរតែព្យាយាម ចាយឲ្យតិចជាងចំណូលដែលរកបាន កុំចំណាយលុយទិញអ្វីដែលមិនចាំបាច់ចូលក្នុងផ្ទះ ចាយសន្សំសំចៃ ធ្វើយ៉ាងណាចាយឲ្យដល់ខែ។

ប្រភព៖emdep