ប្រសិនបើឪពុកម្តាយចង់ឲ្យកូនឆ្លាត និងរហ័សរហួន លុះណាតែយើងព្យាយាម អត់ធ្មត់បន្តិច បើទោះបីដឹងថា ក្មេងពិបាកនិយាយស្តាប់គ្នាក៏ដោយ។ យើងត្រូវចាំថា ក្នុងនាមជាឪពុកម្តាយដែលល្អ គឺយើងត្រូវផ្តើមចេញពីខ្លួនយើងធ្វើទៅកាន់កូន។ ដូចនេះប្រសិនបើឪពុកម្តាយចង់ឲ្យកូនរបស់អ្នកឆ្លាត និងមានភាពរហ័សរហួន លុះណាតែអ្នកមាន៥ចំណុចនេះដូចខាងក្រោម៖

១ លើកទឹកចិត្ត និងបណ្តុះកូនរបស់អ្នកចេះឱ្យព្យាយាម

ក្មេងៗតែងតែចូលចិត្តស្វែងយល់ និងធ្វើអ្វីៗដោយខ្លួនឯងដោយគ្មានជំនួយពីឪពុកម្តាយ។ វាជាការល្អបំផុតសម្រាប់ឪពុកម្តាយក្នុងការអភិវឌ្ឍការយល់ដឹងរបស់កុមារអំពីការសម្រេចចិត្តដោយខ្លួនឯង។ កុមារអាចធ្វើខុស ប៉ុន្តែវាអាចជួយពួកគេរៀនមេរៀន និងយល់ពីឥទ្ធិពលនៃអាកប្បកិរិយានោះលើពិភពលោកជុំវិញពួកគេ។ អ្វីដែលសំខាន់គឺយើងនៅតែណែនាំ ការយកចិត្តទុកដាក់ និងអនុញ្ញាតឱ្យកុមាររៀនពីរបៀបធ្វើអ្វីៗដោយខ្លួនឯងក្នុងកម្រិតសុវត្ថិភាព។

២ អនុញ្ញាតឱ្យកុមារមានទំនាក់ទំនងជាមួយមនុស្សជាច្រើន

ក្រៅពីមនុស្សដែលស្គាល់កុមារដូចជា ជីដូន មីង ពូ និងមិត្តភក្តិ ឪពុកម្តាយគួរតែព្យាយាមបង្ហាញកូនរបស់អ្នកទៅកាន់បរិយាកាសចម្រុះតាមដែលអាចធ្វើទៅបានតាំងពីក្មេង។ ការសិក្សាមួយបានបង្ហាញថា កុមារដែលឃើញមុខផ្សេងៗគ្នា នោះគេអាចចងចាំបានប្រសើរជាងមុន និងអាចសម្គាល់មុខបានច្រើនជាងមនុស្សពេញវ័យ។

៣ សរសើរ/រិះគន់ តែមិនមែនវាយតម្លៃមនុស្សទេ

ប្រសិនបើក្មេងប្រុសវាយក្មេងស្រីចំក្បាល ជំនួសឱ្យការវិនិច្ឆ័យថា "អ្នកជាកូនអាក្រក់" ឪពុកម្តាយគួរតែរិះគន់តែទង្វើរបស់ក្មេងប្រុសដែលធ្វើបាបប្អូនស្រីរបស់គាត់ប៉ុណ្ណោះ។ បន្ទាប់មកឱ្យកុមារសុំទោស។

៤ ពន្យល់ និងនិយាយជាមួយកុមារឱ្យបានច្រើន

ក្មេងៗចូលចិត្តសួរថា "ហេតុអ្វី?" វាអាចធ្វើឱ្យឪពុកម្តាយមានអារម្មណ៍ថានឿយហត់ ប៉ុន្តែប្រសិនបើឪពុកម្តាយពន្យល់ ពួកគេនឹងចងចាំព័ត៌មាន និងជំរុញកូនឱ្យគិតអំពីរឿងថ្មីៗជានិច្ច។ ឪពុកម្តាយនឹងធ្វើជាអ្នកនាំផ្លូវ ដើម្បីជួយកូនស្វែងយល់ពីពិភពលោក និងពន្យល់ពីរឿងថ្មីៗដល់ពួកគេ ដើម្បីឲ្យពួកគេរៀនបានអ្វីដែលថ្មីៗ។

៥ ឪពុកម្តាយគួរតែជាអ្នកលើកទឹកចិត្តដល់កូន

ជំនួសឱ្យការបង្ខំកូនឱ្យក្លាយជាអ្នកសិល្បៈ អ្នកជំនួញ។ល។ ឪពុកម្តាយគួរតែបង្កើតបរិយាកាសដែលលើកទឹកចិត្តដល់ការអភិវឌ្ឍន៍ប្រកបដោយសុខភាពល្អ តាមទិសដៅដែលកូនជ្រើសរើស។ក្នុងនាមជាឪពុកម្តាយ គួរតែស្វែងយល់ពីកូនឲ្យបានច្រើនជាងអ្នកណាទាំងអស់ ប្រសិនបើអ្នកធ្វើបានល្អ នោះកូនរបស់អ្នកក៏ល្អទៅតាមនោះដែរ។

ប្រភព៖ phunutoday