នារីដែលជាប្រពន្ធបើបានប្តីល្អ អាចចាត់ទុកថាជាសំណាងណាស់ហើយក្នុងជីវិតគូ តែបើបានប្តីមិនល្អវិញ ជួបតែទុក្ខរាល់ថ្ងៃ ធ្វើឲ្យខ្លួនឯងវេទនាផ្លូវចិត្តអស់មួយជីវិត។ បើចង់បានប្តីល្អ លុះណាតែយើងជាស្រីល្អដែរ ទើបរស់នៅជាមួយគ្នាបានយូរ ហើយជាពិសេសនោះបើបានប្តីដែលមានគុណសម្បត្តិ៥យ៉ាងនេះ នោះនារីកាន់តែមានសុភមង្គល ធ្វើឲ្យគ្រួសាររុងរឿងនិងរីកចំរើនទៅមុខ ៖

១ បុរសដែលមានឆន្ទៈខ្ពស់ ហ៊ានគិត ហ៊ានធ្វើ

មនុស្សស្រីមិនត្រូវការប្តីដែលស្អាតស្ទីលទេ គេគ្រាន់តែត្រូវការប្តីចាស់ដែលចេះអាកប្បកិរិយា និងមានមន្តស្នេហ៍។ បុរសប្រហែលជាមិនចាំបាច់ឆ្លាតពេក ឬមានទេពកោសល្យពូកែនោះទេ ប៉ុន្តែពួកគេត្រូវតែមានឆន្ទៈ និងការយល់ដឹង។ គាត់ហ៊ានគិត ហ៊ានធ្វើ និងប្រកាន់ជំហរម៉ឺងម៉ាត់។ ពេលបុរសមានគោលដៅដេញតាម ទោះបរាជ័យក៏គេមិនបាក់ទឹកចិត្តដែរ។ លើសពីនេះទៅទៀត បុរសប្រភេទនេះគឺជាអ្នកដែលនិយាយថាគាត់អាចធ្វើបាន។

២ បុរសដឹងពីរបៀបគិតមុនពេលនិយាយ

ពាក្យជាកិត្តិយសរបស់បុរស។ រាល់ពាក្យសម្ដីដែលគាត់និយាយ គឺត្រូវគិតយ៉ាងម៉ត់ចត់ មិនប្រមាថអ្នកណាឡើយ។

៣ បុរសចេះអត់ឱន

បើបុរសមិនអាចទ្រាំទ្រនឹងមនុស្សស្រីរបស់ខ្លួនបាន តើគាត់ត្រូវធ្វើកិច្ចការធំៗនៅខាងក្រៅបានយ៉ាងមិចទៅ? រាល់ស្នេហា គ្រប់អាពាហ៍ពិពាហ៍សុទ្ធតែមានពេលលំបាករបស់វា។ នៅពេលដែលបុរសចេះអធ្យាស្រ័យ និងសុំទោសជាមុន នោះមនុស្សស្រីប្រាកដជាស្រលាញ់ និងជឿជាក់លើពួកគេកាន់តែច្រើន។ បុគ្គលិកលក្ខណៈនេះក៏ជាអ្វីដែលស្ត្រីកោតសរសើរបំផុតចំពោះបុរសផងដែរ។

៤ បុរសចេះទទួលខុសត្រូវ

មិនថាជាមួយប្រពន្ធ កូន គ្រួសារ សាច់ញាតិ មិត្តភ័ក្តិ ឬការងារក៏ដោយ បុរសនេះតែងតែមានអារម្មណ៍ទទួលខុសត្រូវ និងត្រូវមើលថែគ្រួសាររបស់គាត់។ ទំនួលខុសត្រូវរបស់បុរសស្ថិតនៅលើសីលធម៌របស់ពួកគេ។ អ្វីដែលគេអាចធ្វើបាន គេនឹងព្យាយាមឱ្យអស់ពីសមត្ថភាព។

៥ បុរសដែលមានភាពស្មោះត្រង់

បុរសបែបនេះគឺឲ្យតម្លៃលើសេចក្តីថ្លៃថ្នូរ និងកិត្តិយស មិនដែលគិតសូម្បីចង់ក្បត់ទៅរកដៃគូថ្មី។ បុរសដែលមានភាពស្មោះត្រង់ តែងឲ្យតំលៃទៅលើដៃគូជានិច្ច។

ប្រភព៖phunutoday