បើអ្នកមិនចេះរក្សាវាទេ ចេកនឹងប្រែពណ៌ខ្មៅ និងឆាប់ទុំ។ដើម្បីរក្សាចេកឱ្យនៅស្រស់បានយូរ សូមមើលគន្លឹះខាងក្រោមនេះ៖

១ វិធីរក្សាចេក ដោយរុំដើម

អ្នកត្រូវរៀបចំធុងទឹកស្អាត។ដាក់អំបិលមួយស្លាបព្រាបាយ និងសូដា ១-២ ស្លាបព្រាចូលក្នុងចានដែក រួចកូរឱ្យសព្វរហូតដល់រលាយ។ដាក់ចេកក្នុងទឹកដែលបានរៀបចំ។ត្រាំចេកនៅក្នុងប្រហែល 5-10 នាទី។ បន្ទាប់មកប្រើដៃលាងសម្អាតថ្នមៗ ដើម្បីយកធូលីដីចេញពីសំបកចេក។ វិធីសាស្ត្រនេះក៏ជួយកម្ចាត់សារធាតុភ្ញោចចេញពីសំបកចេកផងដែរ (ប្រសិនបើមាន)។ការលាងចេកក៏នឹងកាត់បន្ថយថ្នាំសំលាប់សត្វល្អិតដែលនៅសេសសល់ផងដែរ។ ចំណាំវិធីនេះគ្រាន់តែអនុវត្ត ចំពោះផ្លែចេកដែលនៅមានសុខភាពល្អ និងមិនមានប្រេះតែប៉ុណ្ណោះ។ ក្រោយពីលាងទឹកអំបិលរួចលាងជម្រះចេកម្ដងទៀតដោយទឹកស្អាត។ប្រើកន្សែងជូតចេកឲ្យស្ងួត កុំឲ្យនៅសល់ទឹកជាប់ ព្រោះវាអាចរលួយបាន។បន្ទាប់មកយកថង់ប្លាស្ទិច (ឬក្រដាស់ជ័រ) មកគ្របគល់ចេក។គ្រាន់តែរុំគល់ មិនចាំបាច់រុំផ្លែទេ។ ដើមចេកជាកន្លែងផលិតឧស្ម័នអេទីឡែនច្រើនបំផុត។ ឧស្ម័ននេះនឹងជំរុញឱ្យផ្លែឈើទុំលឿនដូចនេះយើងត្រូវការគ្របវា។ យកខ្សែមួយមកចងនឹងចេកមួយបាច់ ហើយព្យួរវាឱ្យខ្ពស់ ។បើទុកចោលលើដី ឬតុ ចេកខាងលើនឹងសង្កត់លើចេកខាងក្រោម ធ្វើឱ្យចេកខាងក្រោមងាយខូច។ បើអ្នកមិនចង់ព្យួរវាទេ អ្នកអាចដាក់ចេកក្នុងកន្ត្រកបានដរាបណាផ្លែឈើមិនជាន់គ្នា។

២ រក្សាចេកទុកក្នុងទូទឹកកក

ជាធម្មតា ប្រសិនបើចេកត្រូវបានរក្សាទុកក្នុងទូទឹកកក សំបកចេកនឹងប្រែជាងងឹតយ៉ាងឆាប់រហ័ស។ទោះជាយ៉ាងណាក៏ដោយសាច់ចេកនៅខាងក្នុងនឹងមិនរងផលប៉ះពាល់ច្រើនទេ។សីតុណ្ហភាពទាបនឹងជួយពន្យារពេលដំណើរការទុំនៃចេក។បើទុកក្នុងទូទឹកកក អ្នកគួរប្រើថង់ប្លាស្ទិករុំជុំវិញចេក។នេះនឹងជួយការពារចេកមិនឱ្យទុំ ខ្មៅ ឬបែក។

ប្រភព៖phunutoday.vn