នៅពេលដែលកូនតូចរបស់អ្នកញាំអាហាររាល់ថ្ងៃបានច្រើន អ្នកប្រាកដជាសប្បាយចិត្ត ប៉ុន្តែប្រសិនបើកូនរបស់អ្នករុញចានចោល មិនញ៉ាំ គិតតែពីលេង នោះអ្នកមិនសប្បាយចិត្ត ប្រាកដណាស់ អ្នកគិតថា កូនរបស់អ្នកញ៉ាំរើសចំណីមិនខាន។ កុមារចន្លោះប្រហែល20% ទៅ 50% ត្រូវបានឪពុកម្តាយរបស់គេថា រើសចំណី។

មានដឹងអត់ ហេតុអ្វីបានជាកូនតូចរើសចំណី? តើមានសញ្ញាអ្វីខ្លះ ? តើយើងអាចធ្វើអ្វីបានខ្លះក្នុងការជួយពួកគាត់ពីរឿងទាំងអស់នេះ?

១ ស្វែងយល់ពីសញ្ញាមួយចំនួននៃក្មេងរើសចំណី ៖

• កូនតូចរុញស្លាបព្រាចេញ រឺបែរក្បាលចេញពីចំណី

• កូនតូចរបស់អ្នកបិទមាត់ នៅពេលដែលឪពុកម្តាយបញ្ចុកចំណី

• កូនតូចខ្ជាក់អាហារចេញពីក្នុងមាត់ ។

ចូរចាំថា សញ្ញាទាំងនេះមិនបាច់បារម្ភថាកូនរបស់អ្នករើសចំណីនោះទេ ជួនកាលសញ្ញាទាំងនេះក៏អាចបញ្ជាក់ថា កូនតូចរបស់អ្នក កំពុងឆ្អែត មិនចង់ញ៉ាំតទៅទៀត ជួនកាលអាចកំពុងមានអារម្មណ៌មិនល្អក៏ថាបាន ។ពេលខ្លះឪពុកម្តាយមើលទៅកូនហាក់ដូចជាកូនរើសចំណី ប៉ុន្តែ ពេលខ្លះអាចមានហេតុផលច្រើនជាងនេះ ដែលយើងមិនដឹងពីគាត់។ ជួនកាលអាចបណ្តាលមកពីក្មេងមានបញ្ហាសុខភាព ដូចជាជិតដុះធ្មេញ អាហារខ្លះមិនទាន់ត្រូវជាមួយក្រពះរបស់គាត់ដូចជាអាហារខ្លះរឹង អាចមកពីប្រតិកម្មអាហារ ជាដើម។ ដូចនេះប្រសិនបើកូនរបស់អ្នកមានលក្ខណៈសុខភាពនិង ការឡើងទម្ងន់ធម្មតា នោះសូមអ្នកកុំបារម្ភអ្វី។

២ គន្លឹះជួយកូនតូចរបស់អ្នកពីការរើសចំណី៖

• កុំបង្ខំកូនឲ្យញ៉ាំចំណីបន្តទៀត ៖ ជួនកាលកូនតូចរបស់អ្នកងាកក្បាលចេញ ពួកគេកំពុងប្រាប់អ្នកថា គេញាំឆ្អែតហើយ បើទោះបីកូនតូចទើបញ៉ាំបានតិចក៏ដោយ។ កុំបង្ខំកូនឲ្យញ៉ាំ ព្រោះអាចធ្វើឲ្យកូនតូចមានភាពតានតឹងអារម្មណ៌។

• សាកល្បងអាហារថ្មីៗ ៖ ជួនកាលកូនចូលចិត្តអាហារក្រៀម រឺស្ងួត ជួនកាលកូនចូលចិត្តអាហារមានទឹក ។ ដូចនេះត្រូវសាកល្បងអាហារថ្មីៗ ដើម្បីផ្លាស់ប្តូររសជាតិ។

• កូនតូចខ្លះចូលចិត្តញ៉ាំយឺត ៖ កូនតូចខ្លះចូលចិត្តញ៉ាំលឿនខ្លះយឺតក៏មាន ដូចនេះយើងត្រូវមើលសន្ទុះនៃការទំពាររបស់កូន។

• ពេលកំពុងញ៉ាំកុំមានអ្វីមករំខាន៖ អាចបិទទូរទស្សន៏សិន រឺរបស់ណាមួយដែលគាត់កំពុងវក់លេង មួយខណះសិន ដើម្បីឲ្យគាត់បានផ្តោតលើការញាំឲ្យបានច្រើន។

ប្រភព៖ WebMD