សុខុមាលភាពរបស់ទារកក្នុងផ្ទៃជាបំណងប្រាថ្នារបស់ប៉ាៗម៉ាក់ៗគ្រប់រូប។ យ៉ាងណាមិញ មានកត្តាមួយចំនួនដែលអាចឆាបយកសុខុមាលភាពរបស់ទារកក្នុងផ្ទៃ ដែលវាបង្កជាឧបសគ្គក្នុងការលូតលាស់របស់កុមារ។

បញ្ហាភាពចុះខ្សោយនៃទារកក្នុងផ្ទៃ ជាស្ថានភាពដែលទារកមានឧបសគ្គក្នុងការលូតលាស់។ ជាទូទៅ បញ្ហានេះមានសភាពធ្ងន់ធ្ងរ ដែលពេលខ្លះស្រួចស្រាល់ ឬ រ៉ាំរ៉ៃ ដែលត្រូវការការព្យាបាលជាបន្ទាន់។

ភាពចុះខ្សោយនៃទារកក្នុងផ្ទៃ មាន ២សំខាន់ៗ៖

ភាពចុះខ្សោយរ៉ាំរ៉ៃ

• កើតឡើងពេលមានផ្ទៃពោះ • រកឃើញដោយអេកូសាស្រ្ត

ភាពចុះខ្សោយស្រួចស្រាល់

• កើតមានក្នុងពេលសម្រាល • កើតមានពេលដែលទារកខ្វះអុកស៊ីសែនធ្ងន់ធ្ងរ

ក) ការសង្ស័យពេលទារកចុះខ្សោយ៖

- ករណីភាពចុះខ្សោយរ៉ាំរ៉ៃ: • សញ្ញាអាយុជីវិតរបស់ទារកមិនល្អគ្រប់គ្រាន់ • ការលូតលាស់មិនគ្រប់គ្រាន់ ឬមានវត្តមាននៃកង្វះទឹកភ្លោះ ដឹង​បានតាមរយៈអេកូសាស្រ្ត • មានភាពមិនប្រក្រតីនៃសរសៃឈាមនិងទារកក្នុងផ្ទៃ តាមរយៈ Doppler។

- ភាពចុះខ្សោយស្រួចស្រាល់នៅពេលឈឺពោះសម្រាល: • មានការប្រែប្រួលចង្វាក់បេះដូងទារក • មានការចេញលាមកព្រៃក្នុងទឹកភ្លោះ • កំរិតអុកស៊ីសែនក្នុងឈាមរបស់ទារកចុះទាប

- ភាពចុះខ្សោយស្រួចស្រាល់បន្ទាប់ពីសម្រាល: • ភាពចុះខ្សោយនៃពហុសរីរៈ (ថ្លើម តម្រងនោម) • ភាពចុះខ្សោយនៃខួរក្បាល

តើបញ្ហាភាពចុះខ្សោយនៃទារកក្នុងផ្ទៃបណ្តាលមកពីមូលហេតុអ្វីខ្លះ?

បញ្ហាភាពចុះខ្សោយនៃទារកក្នុងផ្ទៃបណ្តាលមកពីកត្តាដូចជា៖

• ជំងឺរបស់ម្តាយ (ឧ. លើសសម្ពាធឈាម)
• ភាពមិនធម្មតានៃការកន្រ្តាក់ស្បូន
• បណ្តាលមកពីសុក ឬទងសុក (ឧ. សុកពាំងបាំងមាត់ស្បូន, ទងសុករុំកូន…)
• បណ្តាលមកពីទារក (ឧ. ទារកប្រឈមនឹងការឆ្លងមេរោគ)

ការវិវត្តនៃភាពចុះខ្សោយ៖

• វិបត្តិធំសំខាន់ជាងគេនៃភាពចុះខ្សោយនៃទារកក្នុងផ្ទៃ គឺប៉ះពាល់ទៅលើប្រព័ន្ធប្រសាទរបស់ទារក

ការវិវត្តិទៅលើប្រព័ន្ធប្រសាទរបស់ទារកមាន ៣ដំណាក់កាលរូមមាន៖

• ដំណាក់កាលទី១ ដែលវិវត្តិនៃភាពខ្សោយរបស់ទារកនឹងបាត់ក្នុងរយៈពេល ២៤ម៉ោង ទៅ ៤៨ម៉ោង។ ដំណាក់កាលនេះមិនប៉ះពាល់ដល់ខួរក្បាលទារកទេ។

• ដំណាក់កាលទី២ វិបត្តិនៃបញ្ហាភាពខ្សោយរបស់ទារកនឹងបាត់ក្នុងរយៈពេល ១សប្តាហ៍។ ទារកអាចប៉ះពាល់ដល់ខួរក្បាលក្នុងកម្រិតតិច។

• ដំណាក់កាលទី៣ ដែលវាមានលក្ខណៈធ្ងន់ធ្ងរ ជាមួយអត្រាស្លាប់ខ្ពស់។

ដូច្នេះយើងត្រូវតាមដានពេលមានផ្ទៃពោះនិងពេលសម្រាលដើម្បីធ្វើអន្តរាគមន៍ជាបន្ទាន់ពេលមានរោគសញ្ញាទាំងនេះ។

ប្រសិនបើប៉ាៗម៉ាក់ៗមានចម្ងល់ ឫមានសង្ស័យលើរោគសញ្ញាដែលបង្ហាញពីភាពចុះខ្សោយរបស់ទារកដូចបានរៀបរាប់ខាងលើ សូមមេត្តាប្រញាប់មកជួបពិគ្រោះជាមួយក្រុមវេជ្ជបណ្ឌិតជំនាញ ដើម្បីការពារអាយុជីវិតទារកឲ្យបានទាន់ពេលវេលា។

ការតាមដាននិងពិនិត្យផ្ទៃពោះ ការកម្រើករបស់ទារកឲ្យបានទៀងទាត់តាមដំបូន្មានរបស់គ្រូពេទ្យ គឺជាការតាមដានសុខភាពរបស់ទារក ជាពិសេសអំឡុងពេលជិតសម្រាល។