តើស្រីៗមករដូវច្រើនអាចប៉ះពាល់សុខភាពអត់?

2023-07-17 04:12:18
ចំនួនមតិ 0 | ចំនួនចែករំលែក 0

ការមករដូចច្រើនៗ អាចធ្វើឲ្យស្រីៗប្រឈមនឹងបញ្ហាស្លេកស្លាំង ដែលនាំឲ្យមានអាការៈហត់ អស់កម្លាំង និងដកសង្ហើមខ្លីៗ ជាដើម។

ទាក់ទននឹងការមករដូវច្រើននេះ លោកស្រីវេជ្ជបណ្ឌិត រ៉ាវុធ សោភារចនា ឯកទេសសម្ភព និងរោគស្រ្តីនៃមន្ទីរសម្ភពរ៉ូស បានលើកឡើងថា ស្រ្តីមួយចំនួនបានជួបបញ្ហារដូវមកច្រើន តែនៅតែគិតថាវាជារឿងធម្មតា។ បើតាមលោកស្រីវេជ្ជបណ្ឌិត ការមករដូវច្រើននឹងធ្វើឲ្យស្រ្តីមានបញ្ហាស្លេកស្លាំង អស់កម្លាំង និងគ្រាប់ឈាមក្រហមធ្លាកចុះ ជាដើម។

វេជ្ជបណ្ឌិតរូបនេះពន្យល់ថាការមករដូវច្រើន ស្រ្តីអាចសម្គាល់ដឹងតាមរយៈឈាមរដូវដែលមាននៅលើសំឡីអនាម័យ។ បើត្រឹមតែរយៈពេលពីរម៉ោង ឈាមរដូវធ្លាក់ជោកសំឡីអនាម័យនោះមានន័យថាស្រ្តីកំពុងមានបញ្ហាមករដូវច្រើនហើយ ខណៈដែលរដូវធម្មតាអាចស៊ីពេលជាមធ្យមបីទៅបួនម៉ោងទើបជោកសំឡីអនាម័យ។ នេះបើតាមការបញ្ជាក់របស់លោកស្រីវេជ្ជបណ្ឌិតដែល។

លោកស្រីវេជ្ជបណ្ឌិតបន្តថា ស្រ្តីមានរដូវមច្រើនបែបនេះគួរប្រឹក្សាជាមួយគ្រូពេទ្យជំនាញដើម្បីពិនិត្យ និងធ្វើរោគវិនិច្ឆ័យឲ្យបានត្រឹមត្រូវ ដើម្បីថាខ្លួនកំពុងមានជំងឺណាមួយឬអត់។

ប្រភព៖ mayoclinic | Cleveland Clinic | CDC អត្ថបទដោយ៖ ទូច សុខា