សូមម៉ាក់ៗ កុំជឿពាក្យ ចចាមអារ៉ាម និយាយតៗគ្នាថាញុំថ្នាំជាតិដែកធ្វើឲ្យរលូតកូនញុំថ្នាំជាតិដែក ធ្វើឲ្យក្តៅ ញុំថ្នាំជាតិដែកអត់ត្រូវ ធ្វេីទុកអោយគាត់ចាញ់លេីសដេីម ពិបាកក្នុងខ្លួនណាស់ ពេលលាប អញ្ចឹងហេីយគាត់ឈប់ញុំវាមិនមែនជាការពិតទេសូមឈប់យល់ច្រឡំទៀត។

តាមវេជ្ជបណ្ឌិតនៅផ្នែកសម្ភព នៅមន្ទីរពេទ្យកាល់ម៉ែត្រ បាននិយាយថា ថ្នាំជាតិដែក មានសារៈសំខាន់ខ្លាំងណាស់ សម្រាប់ស្ត្រីមានផ្ទៃពោះ និង ទារកក្នុងផ្ទៃ ដែលស្ត្រីចាប់ផ្តើមពពោះដំបូងតែងទៅមណ្ឌលសុខភាពហើយទទួលបានញាំ គឺ ថ្នាំជាតិដែក និង អាស៊ីតហ្វូលីក ។

ជាទូទៅ ទារកចាប់ផ្ដើមលូតលាស់ អវយវៈផ្សេងៗ ផ្នែកបញ្ញាស្មារតីខួរក្បាលចាប់ពីអាយុ 8 សប្តាហ៍។ ក្នុងកំឡុងពេលនេះម្ដាយកំពុងតែពពោះត្រូវតែផ្ដល់ឲ្យកូននៅជាតិដែក វីតាមីនក៏ដូចជាការថែទាំខ្លួនអោយល្អបំផុត ទៅអ្វីដែលអាចធ្វើបានទាំងម្តាយ និងកូន។

១. ចំណុចខាងក្រោម នៃអត្ថប្រយោជន៍ " ថ្នាំជាតិដែក " សម្រាប់សុខភាពម្ដាយនិងទារកដូចជា៖ - ជួយឲ្យកូនមាន ការលូតលាស់ល្អ

• កាត់បន្ថយភាព ស្លេកស្លាំង
• ជួយផ្នែក បញ្ញាស្មារតី កូនកាន់តែឈ្លាសវៃ
• ម្ដាយមានសម្រស់កាន់តែស្រស់ស្អាត និង សុខភាពល្អ
• បង្កើន គ្រាប់ឈាមក្រហម
• បំបាត់ភាព ស្លេកស្លាំង
• កាត់បន្ថយ ការធ្លាក់ឈាមពេលសម្រាលកូន
• បន្ថយភាព ស្លេកស្លាំងក្រោយសម្រាល
• ដើម្បីការពារការឆែបមាត់
• ការពារពកឆ្អឹងខ្នង
• ទារកសំរាលគ្រប់ខែ គ្រប់គីឡូ
• ងាយស្រួលសម្រាលកូន មានកំលាំង

២-ការប្រើប្រាស់ថ្នាំជាតិដែក ឬអាស៊ីតហ្វូលីកអ្នកទាំងឡាយត្រូវប្រើ រយះពេល ៣ខែ តាមការឲ្យរបស់ក្រុមគ្រូពេទ្យ មួយថ្ងៃ មួយគ្រាប់ ចំនួន ៩០គ្រាប់ រៀងរាល់ក្រោយបាយល្ងាច ៣០ នាទី ។

• ញុំថ្នាំជាតិដែកជាមួយទឹកស ទឹកឆ្អិន
• ហាមញុំជាមួយកាហ្វេ តែ ឬទឹកដោះគោ ដែលបន្ថយប្រសិទ្ធភាពរបស់ថ្នាំ ។

៣-ផលរំខានរបស់ជាតិដែកអាចធ្វើឲ្យ

• ទល់ លាមក
• លាមក ពណ៌ខ្មៅ- រាគ
• ឈឺ ក្រពះតិចតួច
• ក្អួតចង្អោល តែមិនប៉ះពាល់ទៅលើទារកក្នុងផ្ទៃទេ ។ ប្រសិនបើមានអាការៈវិលមុខធីងធោងអាចញុំផ្លែឈើជូរតាមក្រោយបន្តិចបន្តួចបាន មិនមានការប៉ះពាល់អ្វីនោះឡើយ។

ចុចអានបន្ត៖ សញ្ញាគ្រោះថ្នាក់ មុន និងក្រោយសម្រាលកូន អាចបណ្តាលឲ្យស្លាប់ភ្លាមៗ បើធ្វេសប្រហែស

ប្រភព៖ មន្ទីរពេទ្យកាល់ម៉ែត្រ