បុរសមានកូន១០២នាក់ ស្នើឲ្យប្រពន្ធទី ១២ ប្រើថ្នាំពន្យារកំណើត ព្រោះអត់ចាំឈ្មោះកូន
- 2023-01-05 09:39:27
- ចំនួនមតិ 0 | ចំនួនចែករំលែក 0
បុរសមានកូន១០២នាក់ ស្នើឲ្យប្រពន្ធទី ១២ ប្រើថ្នាំពន្យារកំណើត ព្រោះអត់ចាំឈ្មោះកូន
ដោយសារតែខ្វះលទ្ធភាពចិញ្ចឹមកូន បុរសជនជាតិ Uganda បានស្នើរឲ្យរដ្ឋាភិបាលផ្ដល់ជំនួយ និងឲ្យប្រពន្ធទី១២ ប្រើថ្នាំពន្យារកំណើតដើម្បីកុំឲ្យមានកូនតទៅទៀត ខណៈរាល់ថ្ងៃលោកមិនចាំឈ្មោះកូនអស់ផង។
កាលពីថ្ងៃទី ៤ ខែមករាកន្លងទៅនេះ បណ្ដាញព័ត៌មាន Mirror បានរាយការណ៍ថា បុរសម្នាក់ឈ្មោះ Musa hasahya មកពីប្រទេស Uganda បានស្នើរឲ្យអាជ្ញាធរមូលដ្ឋាន ជួយជាថវិកាដើម្បីទំនុកបម្រុងឲ្យគ្រួសារលោកមានកូនចំនួនដល់ ១០២នាក់។ មូលហេតុ គឺដោយសារមកពីតម្លៃទំនិញឡើងថ្លៃ តែចំណូលគ្រួសាររបស់លោកនៅដដែល មិនមានលទ្ធភាពគ្រប់គ្រាន់ដើម្បីចិញ្ចឹមប្រពន្ធកូនឡើយ។
បុរសវ័យ ៦៧ឆ្នាំក៏បានឲ្យដឹងដែរថា ប្រពន្ធទាំង១២នាក់របស់លោក រស់នៅក្រោមដំបូលផ្ទះតែមួយ តែគ្មានជម្លោះអ្វីឡើយ។ មូលហេតុដែលលោកឲ្យប្រពន្ធទាំង១២នៅជាមួយគ្នា គឺលោកខ្លាចប្រពន្ធទាំងអស់ទៅមានបុរសថ្មី។ លោកក៏បន្ថែមដែរថា លោកអាចចាំមុខកូន២បាន តែលោកមិនអាចចាំឈ្មោះកូនៗបាននោះទេ។
ដោយសារតែអស់លទ្ធភាពចិញ្ចឹមកូន ទើបលោកឲ្យប្រពន្ធទី១២របស់ខ្លួនប្រើថ្នាំពន្យារកំណើតដើម្បីកុំឲ្យមានកូនតទៅទៀត។ គ្រួសាររបស់លោកធ្លាប់ជាអ្នកមានលុយ ទើបលោករៀបការនឹងនារីច្រើនដូចនេះ៕
ប្រែសម្រួល៖ Caramel