តើដឹងខ្លួនទេ ថាតើសង្សារចាស់បានបង្រៀនដល់អ្នកនូវមេរៀនអ្វី?

2022-12-26 07:48:34
ចំនួនមតិ 0 | ចំនួនចែករំលែក 0

តើចំណងមនោសញ្ចេតនានៅគ្រាមុន មានបង្រៀនដល់អ្នកនូវមេរៀនអ្វីដែរ ឬទេ ហើយបើមាននោះគឺជាអ្វី? សាកល្បងមើលប៉ុន្មានចំណុចខាងក្រោម ថាតើមានអ្វីដែលអ្នកទទួលបានវាដោយមិនដឹងខ្លួនដែរឬទេ?

១. គេបានបង្រៀនឲ្យអ្នកនូវមេរៀនគ្រប់គ្រងអារម្មណ៍ខ្លួនឯង។ អ្នកជាមនុស្សប្ដូរអារម្មណ៍លឿនគ្មានអ្នកណាអាចតាមទាន់។ កំពុងធម្មតា អ្នកអាចកើតទុក្ខ ឬឆេវឆាវភ្លាមមួយរំពេច ដោយមិនចាំបាច់មានហេតុផលច្រើន។ ក្រោយបែកពីគេ អ្នកដឹងថាកំហុសមួយចំណែកគឺមកពីខ្លួនដែលមិនអាចគ្រប់គ្រងអារម្មណ៍ខ្លួនបាន។

២. អ្នកជាមនុស្សនិយាយស្ដីមុតស្រួចខ្លាំងពេក ហើយពេលខ្លះត្រង់ដល់កម្រិតដែលសង្សារចាស់មិនអាចទទួលយកបាន បើទោះបីជាវាជាការពិតក៏ដោយ។ អ្វីដែលអ្នកដកពិសោធន៍បានក្រោយបែកគ្នានោះគឺ មិនមែនពេលណាឲ្យតែនិយាយត្រង់គឺសុទ្ធតែល្អនោះទេ។

៣. អ្នកជាមនុស្សយល់ពីអ្នកដទៃច្រើន ហើយអ្នកក៏រំពឹងអ្នកដទៃឲ្យយល់ពីអ្នកច្រើនវិញដូចគ្នា។ ដូចនេះហើយ នៅពេលអ្នកចាស់មិនយល់ពីអ្នកសូម្បីបន្តិច ដូចជាទិញកាដូរខុសពីអ្វីដែលអ្នករំពឹងទុកនោះ ក៏អ្នកខឹងគេភ្លាមៗដែរ ដែលជាចំណែកមួយធ្វើឲ្យបែកគ្នា។

៤. អ្នកជាមនុស្សស្ងួត ហើយមិនព្រមបើកចិត្តខ្លួនឯងច្រើនឡើយ។ ពេលខ្លះធ្វើឲ្យគេមានអារម្មណ៍ថា មានសង្សារក៏ដូចជាអត់សង្សារ។ ពេលខ្លះគេមានរឿងចង់បើកចិត្តនិយាយជាមួយអ្នក តែអ្នកបែរជាគ្មានអារម្មណ៍ ឬបង្ហាញឲ្យគេឃើញថា អ្នកមិនចង់ស្ដាប់រឿងរបស់គេ ធ្វើឲ្យគេមានអារម្មណ៍ថាឃ្លាតឆ្ងាយពីអ្នក៕

ប្រែសម្រួល៖ Caramel

ប្រភព៖ ngoisao ប្រែសម្រួល៖ Caramel