អ្នកជំងឺចោទពេទ្យថាលួចយកក្រលៀនទាំង២របស់ខ្លួន ពេលសន្លប់

2022-11-23 02:55:00
ចំនួនមតិ 0 | ចំនួនចែករំលែក 0

នារីម្នាក់មកពីប្រទេសឥណ្ឌា បានចោទវេជ្ជបណ្ឌិតថាបានលួចក្រលៀនរបស់នាង នៅពេលនាងវះកាត់ស្បូនរបស់ខ្លួន ធ្វើឲ្យនាងត្រូវឧស្សាហ៍លាងឈាម។

កាលពីថ្ងៃទី ២១ ខែវិច្ឆិកា បណ្ដាញព័ត៌មាន Daily Mail បានរាយការណ៍ថា អ្នកជំងឺស្រីឈ្មោះ Sunita Devi អាយុ ៣៨ឆ្នាំ មកពីខណ្ឌ Bihar ប្រទេសឥណ្ឌា បានធ្លាក់ខ្លួនឈឺកាន់តែធ្ងន់ក្រោយពេលនាងធ្វើការវះកាត់ស្បូនកាលពីខែកញ្ញា។

ក្រោយពេលទៅពិនិត្យនៅមន្ទីរពេទ្យ Sri Krishna ពេទ្យបានប្រាប់ថា អ្នកជំងឺខាងលើបានបាត់ក្រលៀនទាំងពីរបាត់ទៅហើយ។ នាយកមន្ទីរពេទ្យខាងលើបានប្រាប់ថា ក្រោយពេលបាត់ក្រលៀនទាំងពីរ អ្នកជំងឺរូបនេះ ត្រូវតែលាងឈាមជាប្រចាំ បើមិនមិនលាងត្រឹមមួយថ្ងៃក៏នាងពិបាកនៅដែរ។

ក្រោយពេលអ្នកជំងឺរូបនេះប្ដឹងគ្លីនិក Subhakant ដែលជាកន្លែងវះស្បូនរបស់នាងនោះ ប៉ូលិសបានស៊ើបឃើញថា គ្លីនិកនេះមិនបានចុះបញ្ជីជាមួយក្រសួងនោះឡើយ ហើយសញ្ញាប័ត្ររបស់ពេទ្យទាំងនេះគឺក្លែងក្លាយទៀតផង។ នាងជឿជាក់ថា គឺពេទ្យនៅទីនេះហើយបានឆ្លៀតឱកាសវះយកក្រលៀនរបស់នាងនៅពេលនាងត្រូវថ្នាំសណ្ដំ៕

ប្រភព៖ ngoisao ប្រែសម្រួល៖ Caramel