អ្នកនៅជាមួយរៀនគាស់ទូដែកអនឡាញ លួចបាន១០ម៉ឺនដុល្លារ ចាយ៣ថ្ងៃអស់

2022-11-11 02:19:00
ចំនួនមតិ 0 | ចំនួនចែករំលែក 0

គ្រួសារមួយនៅទីក្រុងហាណូយ ប្រទេសវៀតណាមបានភ្ញាក់ផ្អើលយ៉ាងខ្លាំងក្រោយបើកទូដែកហើយឃើញថា លុយ និងមាសរបស់ខ្លួនបានបាត់អស់។

កាលពីថ្ងៃទី ៥ ខែវិច្ឆិកាកន្លងទៅនេះបណ្ដាញព័ត៌មាន Vnexpress បានរាយការណ៍ថា គ្រួសារមានជីវភាពធូរធារមួយនៅទីក្រុងហាណូយ ប្រទេសវៀតណាម បានដឹងថាខ្លួនបានបាត់លុយក្នុងទូដែកអស់ នៅពេលត្រូវយកទៅដាក់ធនាគារ។ តាមនោះដែរ លោកស្រី Huong អាយុ៥៤ឆ្នាំ ជាមេផ្ទះ មានប្ដីជាអ្នកជំនួញ ដោយលោកស្រីនៅផ្ទះម្នាក់ឯង ទើបរកអ្នកនៅជាមួយម្នាក់ដើម្បីធ្វើកិច្ចការផ្ទះ។ នៅជាមួយមានអាយុ៤២ឆ្នាំ ឈ្មោះ Hoang Thi Hai Ly។ ក្រោយរយៈពេលសាកការងារ ម្ចាស់ផ្ទះពេញចិត្តនឹងអត្តចរិតរបស់អ្នកនៅជាមួយនេះ ទើបចាត់ទុកដូចអ្នកក្នុងគ្រួសារដោយគ្មានការប្រកាន់អ្វីឡើយ។

យ៉ាងណាក្ដី កាលពីថ្ងៃទី ២៩ ខែតុលានៅពេលត្រូវដកលុយដើម្បីទៅដាក់ធនាគារនោះ ម្ចាស់ផ្ទះបានរកឃើញថា លុយ និងមាសនៅក្នុងទូដែករបស់ខ្លួនបានបាត់អស់ តម្លៃសរុបជិត១០ម៉ឺនដុល្លារ ។

នៅពេលប្ដឹងប៉ូលិស ហើយស៊ើបអង្កេត និងពិនិត្យកាមេរ៉ា ទើបរកឃើញថា អ្នកនៅជាមួយខាងលើគឺជាអ្នកគាស់ទូដែកម្ចាស់ផ្ទះ។ នៅប៉ូលិស នាងបានសារភាពថាបានរៀនគាស់ទូលើអ៊ីនធឺណិត។ ហើយលុយដែលគាស់បាននេះ គឺនាងចាយគ្មានសល់នោះទេ គឺលេងល្បែងអនឡាញអស់ក្នុងរយៈពេល២ថ្ងៃ។ អ្នកនៅជាមួយរូបនេះត្រូវបានឃាត់ខ្លួនបណ្ដោះអាសន្នដើម្បីរង់ចាំការកាត់ទោស៕

ប្រភព៖ 24.com.vn ប្រែសម្រួល៖ Caramel