តារាចម្រៀងប្រុសកូរ៉េត្រូវមិត្តស្រីបកអាក្រាតថាសាវ៉ា និងបៀតបៀនរូបរាងនាង

2022-10-18 02:55:00
ចំនួនមតិ 0 | ចំនួនចែករំលែក 0

តារាចម្រៀងប្រុសល្បីឈ្មោះ Ravn នៃក្រុមចម្រៀង ONEUS ត្រូវនារីម្នាក់បកអាក្រាតរួមទាំងមានភស្តុតាងថាលោក ទាក់ទងមនុស្សស្រីច្រើនក្នុងពេលតែមួយ។

កាលពីថ្ងៃទី ១៦ ខែតុលាកន្លងទៅនេះ បណ្ដាញព័ត៌មាន Sport Chosun បានរាយការណ៍ថា តារាចម្រៀងប្រុសឈ្មោះ Ravn នៃក្រុមចម្រៀង ONEUS ត្រូវបានមិត្តស្រីលាតត្រដាងថា សាវ៉ា និងប្រើអំពើហិង្សាលើនាង។

តាមនោះដែរ នារីរូបនេះបានប្រាប់ថា ពួកគេជួបគ្នាដំបូងនៅពេលក្រុមចម្រៀងខាងលើទៅសម្ដែងនៅប្រទេសជប៉ុនកាលពីឆ្នាំ ២០២០។ ក្រោយពេលសម្ដែងចប់ តារាប្រុសអាយុ២៧ឆ្នាំបានបញ្ច្រកស្រានាង ហើយបៀតបៀនរាងកាយនាងពេលនាងសន្លប់។ ក្រោយមកពួកគេចាប់ផ្ដើមទំនាក់ទំនងស្នេហា។

នារីជប៉ុនរូបនេះឧស្សហ៍ហោះទៅកូរ៉េដើម្បីជួបមិត្តប្រុស មុនពេលត្រូវបិទដោយសារកូវីដ ១៩។ រាល់ពេលណាត់ជួបគ្នា នាងគឺជាអ្នកចេញលុយ ដោយខាងប្រុសខ្លាចប្រើកាតទៅ ក្រុមហ៊ុននឹងដឹង។ មានពេលមួយពួកគេកំពុងនៅជាមួយគ្នា នាងត្រូវរត់ពួនក្នុងទូខោអាវព្រោះអ្នកគ្រប់គ្រងរបស់តារាប្រុសនេះមកទាន់ពេល។

កំឡុងពេលស្រលាញ់គ្នាជាមួយនាង តារាចម្រៀងនេះក៏មានស្នេហាជាមួយនារីម្នាក់ទៀតឈ្មោះ LYH ដែលជាអតីតតារារួមក្រុមហ៊ុន។ Ravn ធ្លាប់គំរាម និងប្រើអំពើហិង្សា ធ្វើឲ្យនាងខ្លាចក៏ផ្ដាច់ទំនាក់ទំនងស្នេហា ពេលនេះនាងខ្លាចគេមករកនាងដល់ផ្ទះ។ ឆ្លើយតបនឹងព័ត៌មានខាងលើ ក្រុមហ៊ុនរបស់តារាប្រុសកើតឆ្នាំ ១៩៩៥ បានឆ្លើយតបថា ពួកគេកំពុងស៊ើបសួររឿងនេះ៕