សមត្ថភាពសម្ដែងរបស់ Kim Go Eun ក្នុងរឿង Little Women បង្កើនចំនួនអ្នកមើលជាង១លាននាក់
- 2022-09-29 02:25:00
- ចំនួនមតិ 0 | ចំនួនចែករំលែក 0
សមត្ថភាពសម្ដែងរបស់ Kim Go Eun ក្នុងរឿង Little Women បង្កើនចំនួនអ្នកមើលជាង១លាននាក់
ស្នាដៃសម្ដែងរបស់កំពូលតារាសម្ដែងស្រីកូរ៉េ Kim Go Eun បានជួយឲ្យរឿងភាគថ្មីរបស់នាងបំបែកកំណត់ត្រាចំនួនអ្នកទស្សនាខ្ពស់បំផុត។
កាលពីថ្ងៃទី ២៧ ខែកញ្ញាមុននេះ បណ្ដាញព័ត៌មាន Insight បារាយការណ៍ថា យោងតាមទិន្នន័យរបស់ Nielson Korea ភាគទី៨នៃខ្សែភាពយន្តភាគកូរ៉េ Little Women ទទួលបានចំនួនអ្នកមើល ៨.៦៧% មានន័យថា កើន២.៦% ស្មើនឹង ១.៣លានទស្សនិកជន បើធៀបនឹងចំនួនអ្នកទស្សនាកាលពីភាគ៧។
ប្រភពដដែលបានឲ្យដឹងថា ឈុតឆាកត្រង់តារាសម្ដែងស្រី Kim Go Eun ភ្ជង់កាំភ្លើងដាក់តួអង្គ Won Sang Ah ធ្វើឲ្យទស្សនិកជនព្រឺសម្បុរ ហើយឈុតនេះក៏ជាឈុតដែលទទួលបានចំនួនអ្នកមើលខ្ពស់ជាងគេផងដែរ។
ជាមួយនឹងលទ្ធផលខាងលើ Kim Go Eun បានជួយបំបែកកំណត់ត្រាឲ្យរឿងនេះហើយ ដ្បិតមុននោះ ចំនួនអ្នកទស្សនាខ្ពស់បំផុតគឺនៅភាគទី៦ ជាមួយ ៨.៣%។
បណ្ដាញព័ត៌មាន Insight បានឲ្យដឹងថា បច្ចុប្បន្នខ្សែភាពយន្តភាគ Little Women គឺជារឿងល្បីឈ្មោះជាងគេនៅកូរ៉េ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
