Zheng Shuang ទើបតែរកផ្លូវត្រលប់ចូលសិល្បៈ ត្រូវក្រសួងបិទផ្លូវភ្លាម

2022-09-27 02:25:00
ចំនួនមតិ 0 | ចំនួនចែករំលែក 0

ផ្លូវត្រលប់ចូលសិល្បៈវិញរបស់ តារាសម្ដែងស្រីល្បីឈ្មោះចិន Zheng Shuang ហាក់មិនរលូនខណៈនាងមិនមានការងារធ្វើជាច្រើនខែ។

កាលពីថ្ងៃទី ២០ ខែកញ្ញាកន្លងទៅនេះ បណ្ដាញព័ត៌មាន Sina បានរាយការណ៍ថា ចាប់តាំងពីពេលត្រូវជាប់ក្នុងបញ្ជីខ្មៅសិល្បៈកាលពីខែកញ្ញាឆ្នាំមុន មកដល់ពេលនេះ តារាសម្ដែងស្រីជួរមុខចិន Zheng Shuang បានប្រើវិធីជាច្រើនដើម្បីត្រលប់មកសិល្បៈវិញ ដ្បិតនាងគ្មានជំនួញអ្វីផ្សេងក្រៅពីសិល្បៈ ដូចតារាដទៃដែលត្រូវជាប់រឿងអាស្រូវ។

ជាក់ស្ដែង ស្រីស្អាតអាយុ ៣១ឆ្នាំ បានបង្កើតគណនីបណ្ដាញសង្គម Weibo ថ្មីមុននេះ ក្រោយគណនីមានអ្នកតាមដានរាប់សិបលាននាក់របស់នាងត្រូវបានក្រសួងលុបចោល។ យ៉ាងណាក្ដី ទើបបង្កើតគណនីថ្មីមិនទាន់បានមួយថ្ងៃផង គណនីនេះក៏ត្រូវបានក្រសួងលុបចោលទៀត ដែលធ្វើឲ្យមនុស្សជាច្រើនលើកឡើងថា នាងពិតជាតស៊ូពិតមែន ដ្បិតគ្មានអ្នកណាបង្កើតគណនីថ្មីដូចនាងឡើយ។

មុននោះដែរ ដោយសារតែបណ្ដាញសង្គមក្នុងស្រុកមិនអាចប្រើបាន នាងបានប្រើបណ្ដាញសង្គម Instagram ដើម្បីបកស្រាយក៏ដូចជារកឱកាសថ្មីសម្រាប់ខ្លួនឯង។ មុននោះដែរ ដោយសាររឿងអាស្រូវបោកប្រាស់ និងមិនទទួលយកកូនខ្លួនឯង នាងត្រូវចាត់ទុកថាជាសិល្បការិនីគ្មានសីលធម៌ និងហាមមិនឲ្យចូលសិល្បៈគ្មានពេលកំណត់៕