ឲ្យតែនៅស្ងាត់ម្នាក់ឯង តារានិករ៣នេះចូលចិត្តគិតដល់ Ex រហូតធ្វើបាបខ្លួនឯង

2022-09-19 08:15:00
ចំនួនមតិ 0 | ចំនួនចែករំលែក 0

នឹក Ex ម្នាក់ឯង ទោះជាបែកគ្នាក៏ដោយ ក៏នៅលួចបារម្ភហើយលួចស្រលាញ់គេទៀត។

១. Scorpio

តារានិករនេះ បើស្រលាញ់នរណាគឺរឹងមាំជាងផ្លូវបេតុងទៀត ដែលហួសពីអ្វីគ្រប់គ្នានឹកស្មានដល់។ ទោះបែកគ្នាក៏គេនៅនឹកដល់ Ex ពិសេសពេលនៅស្ងាត់ម្នាក់ឯង ពេលទៅកន្លែងធ្លាប់ទៅជាមួយគ្នា ឬទង្វើល្អរបស់ Ex ពីមុនជាដើមដែលនាំឲ្យគេពិបាកបំភ្លេចចោលបានណាស់។ យ៉ាងណាក្តី គេមិនដែលធ្វើអ្វីរំខានដល់ Ex ទេ គេគ្រាន់តែគិតនិងនឹកដោយសម្ងាត់ប៉ុណ្ណោះ។

២. Cancer

ជាទូទៅ គេជាតារានិករដែលពោរពេញដោយមនោសញ្ចេតនា ដូច្នេះនៅពេលស្រលាញ់នរណាគេប្រែក្លាយជាមនុស្សលែងឯករាជ្យ ព្រោះខ្វះអារម្មណ៍សុវត្ថិភាព ចង់បានចំណាប់អារម្មណ៍និងការបារម្ភពីមនុស្សដែលខ្លួនស្រលាញ់។ នៅពេលបាត់បង់ការលើកទឹកចិត្ត បេះដូងប្រែជាគ្មានសេសសល់អ្វី។ គេនឹកដល់ Ex នៅពេលយប់ស្ងាត់ចូលមកដល់ព្រោះតែក្តីស្រលាញ់ជ្រាលជ្រៅតែគេក៏មិនហ៊ានទាក់ទងទៅ Ex ម្តងទៀតដែរ។ ប្រសិនបើ Ex ជាអ្នកក្បត់គេមុន តារានិករនេះនឹងជ្រើសវិធីបំភ្លេចហើយសុខចិត្តចាប់ផ្តើមជាមួយអ្នកថ្មីឲ្យបានលឿន ទោះវាមិនងាយស្រួលក៏ដោយ។

៣. Pisces

នៅពេលបែកគ្នា តារានិករនេះតែងនឹកនៅជាមួយអនុស្សាវរីយ៍ដ៏ផ្អែមល្ហែមកាលនៅជាមួយ Ex ។ ពេលគេឯកានៅម្នាក់ឯង អនុស្សាវរីយ៍ដ៏ស្រស់ស្អាតទាំងនោះតែងតែនៅក្នុងបេះដូងរបស់គេ ដែលជាហេតុនាំឲ្យគេនឹកដល់ Ex បែបនេះ។ ទោះបីនៅឆ្ងាយក៏ដោយ ក៏គេមិនងាយបំភ្លេច Ex បានដែរ ព្រោះក្តីស្រលាញ់របស់គេជ្រាលជ្រៅណាស់។ យ៉ាងណាក្តី ទោះបីនឹកដល់ Ex ខ្លាំង គេក៏ព្យាយាមប្រាប់ខ្លួនឯងម្តងហើយម្តងទៀតពីមូលហេតុដែលនាំឲ្យបែកគ្នាបែបនេះ។

ប្រភព៖ Eva ប្រែសម្រួល៖ លឹម សុនា