ចំណូលរាប់លានដុល្លាររបស់ Pinky មុនពេលត្រូវចាប់ខ្លួន

2022-08-22 02:25:00
ចំនួនមតិ 0 | ចំនួនចែករំលែក 0

បណ្ដាញព័ត៌មានក្នុងស្រុកបានឲ្យដឹងថា តារាសម្ដែងស្រីល្បីឈ្មោះថៃ Pinky មិនចាំបាច់បោកប្រាស់អ្នកដទៃដើម្បីរកលុយនោះឡើយ ដែលធ្វើឲ្យគេមានចម្ងល់ថាហេតុអ្វីបាននាងជ្រើសយកផ្លូវមួយនេះ។

កាលពីថ្ងៃទី ២១ ខែសីហាមុននេះ បណ្ដាញព័ត៌មាន Sanook បានរាយការណ៍ថា តារាសម្ដែងជើងចាស់ថៃ Pinky Savika កំពុងក្លាយជាប្រធានបទដ៏ក្ដៅគគុករបស់មហាជន។ មុនពេលត្រូវចាប់ខ្លួនពីបទឆបោកអនឡាញឡើងដល់ ៦៩លានដុល្លារ នាងមានចំណូលច្រើននៅក្នុងសិល្បៈ។

ប្រភពខាងលើបានឲ្យដឹងថា តាមការពិតទៅ ស្រីស្អាតអាយុ ៣៦ឆ្នាំ មិនបានខ្វះលុយដល់ថ្នាក់ដើរបោកប្រាស់គេនោះឡើយ។ នាងក្ដាប់តំណែងអគ្គនាយកនៅក្នុងក្រុមហ៊ុនចំនួន៤មុនពេលត្រូវចាប់ខ្លួន។ ក្រុមហ៊ុនគ្រឿងសំអាងរបស់នាងមានចំណូល ១៧ម៉ឺនដុល្លារ និងក្រុមហ៊ុនសិល្បៈរបស់នាងមានចំណូល១៣ម៉ឺនដុល្លារក្នុង១ឆ្នាំ។

តារាប៉ុស្តិ៍លេខ៧ ជាសិល្បៈករមានតម្លៃខ្លួនខ្ពស់កប់ពពកដោយរឿងដែលនាងទទួលតម្លៃខ្ពស់ជាងគេគឺ ១.៣លានដុល្លារ សម្រាប់រឿងមួយ។ មុនពេលត្រូវចាប់ខ្លួន សិល្បការិនីរូបនេះ បានបដិសេធនឹងការបោកប្រាស់ខាងលើថាខ្លួនគ្មានការពាក់ព័ន្ធនោះឡើយ ដោយនាងបានបន្ថែមថាខ្លួនក៏ជារងគ្រោះដោយនាងបានវិនិយោគ១០លានបាត (២៨ម៉ឺនដុល្លារ) ដែរ តែមិនទាន់យកមកវិញបាន៕