៥ឆ្នាំទើបត្រលប់មកវិញ តែ SNSD នឹងមិនឡើងឆាកព្រោះឆ្លងកូវីដ ១៩ ហ្វេនស្រងាកចិត្តខ្លាំង
- 2022-08-15 02:35:00
- ចំនួនមតិ 0 | ចំនួនចែករំលែក 0
៥ឆ្នាំទើបត្រលប់មកវិញ តែ SNSD នឹងមិនឡើងឆាកព្រោះឆ្លងកូវីដ ១៩ ហ្វេនស្រងាកចិត្តខ្លាំង
អ្នកគាំទ្ររបស់កំពូលក្រុមចម្រៀងស្រីកូរ៉េ Girls’ Generation បានសម្ដែងការអស់សង្ឃឹមជាខ្លាំង ក្រោយពេលក្រុមហ៊ុនប្រកាសថាពួកគេនឹងមិនឡើងឆាកសម្ដែងបទថ្មី ព្រោះមានសមាជិកឆ្លងមេរោគកូវីដ ១៩។
កាលពីថ្ងៃទី ១៣ ខែសីហាមុននេះ បណ្ដាញព័ត៌មាន My Daily បានរាយការណ៍ថា ក្រុមចម្រៀងលំដាប់ A កូរ៉េ Girls’ Generation នឹងលុបចោលគម្រោងផ្សព្វផ្សាយអាល់ប៊ុមថ្មីរបស់ខ្លួន ក្រោយពេលសមាជិក Seohyun បានឆ្លងមេរោគកូវីដ ១៩។
មុននោះដែរ កំពូលក្រុមចម្រៀងស្រីចាស់វស្សានេះបានមានគម្រោងសម្ដែងនៅក្នុងកម្មវិធី M Countdown និង Inkigayo រួចទៅហើយ។ ព័ត៌មានខាងលើបានធ្វើឲ្យហ្វេនរបស់ម្ចាស់បទ The Boys ខកចិត្តជាខ្លាំង ព្រោះពួកគេបានចាំពេលនេះ ៥ឆ្នាំមកហើយ។ នេះក៏ជាអាល់ប៊ុមខួប១៥ឆ្នាំនៃក្រុមចម្រៀងនេះផងដែរ។
អាល់ប៊ុម Forever 1 របស់ SNSD ក៏បានបំបែកកំណត់ត្រារបស់ខ្លួនឯង ដោយក្នុងថ្ងៃដំបូងចេញលក់គឺលក់បានដល់ទៅជាង ១០០០០០អាល់ប៊ុម៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
