អាយុស្មើគ្នាមែន តែ Bai Lu ត្រូវគេថាចាស់ជាង Ju Jing Yi ឆ្ងាយពេលក្នុងស៊ុមរូបតែមួយ

2022-08-15 02:16:10
ចំនួនមតិ 0 | ចំនួនចែករំលែក 0

សម្រស់របស់តារាសម្ដែងស្រីកំពុងឡើងកូដចិន Bai Lu ត្រូវបានគេយកមកប្រៀបធៀបក្រោយរូបនាងនៅក្បែរ តារាសម្ដែងស្រី Ju Jing Yi ត្រូវបានបង្ហោះ។

កាលពីថ្ងៃទី ១១ ខែសីហាមុននេះ បណ្ដាញព័ត៌មាន 163 បានរាយការណ៍ថា ការប្រៀបធៀបសម្រស់របស់តារាសម្ដែងស្រីចិនកំពុងឡើងកូដពីររូបគឺ Ju Jing Yi និង Bai Lu បានក្លាយជាប្រធានបទដ៏ក្ដៅគគុកនៅលើបណ្ដាញសង្គម។

តាមនោះដែរ នៅក្នុងកម្មវិធីប្រគល់រង្វាន់ភាពយន្តមួយកាលពីពេលថ្មីៗនេះ ស្រីស្អាតកើតឆ្នាំ ១៩៩៤ទាំងពីរនាក់ត្រូវបានរៀបឲ្យអង្គុយ និងឈរក្បែរគ្នា។ អ្វីដែលគួរឲ្យចាប់អារម្មណ៍នោះគឺ ទស្សនិកជនបានលាន់មាត់ថា ទោះបីជាមានអាយុ ២៨ឆ្នាំដូចគ្នាក៏ដោយ តែ Ju Jing Yi មើលទៅក្មេងជាងវ័យ រីឯមិត្តរួមការងារ Bai Lu វិញមានវ័យជ្រេជាងវិញ។

យ៉ាងណាក្ដី អ្នកគាំទ្ររបស់ Bai Lu បានចេញមុខមកបកស្រាយថា ទោះតារាក្នុងចិតុ្តរបស់ពួកគេអាចមើលទៅជ្រេក៏ពិតមែន តែនាងមិនដែលឆ្លងកាត់មុខកាំបិត ដូច Ju Jing Yi ដែលកែពេញមួយទម្រង់មុខនោះឡើយ ដែលធ្វើឲ្យប្រធានបទនេះរឹតតែក្ដៅឡើងនៅលើបណ្ដាញសង្គម Weibo៕