តារាសម្ដែងប្រុសជប៉ុនរងការរិះគន់ព្រោះមានមិត្តស្រី៧នាក់ក្នុងពេលតែមួយ
- 2022-08-11 09:20:00
- ចំនួនមតិ 0 | ចំនួនចែករំលែក 0
តារាសម្ដែងប្រុសជប៉ុនរងការរិះគន់ព្រោះមានមិត្តស្រី៧នាក់ក្នុងពេលតែមួយ
ព័ត៌មានតារាសម្ដែងប្រុសល្បីឈ្មោះជប៉ុន Shinichi មានសង្សារ៧នាក់បានធ្វើឲ្យទស្សនិកជនអត់មិនខឹងមិនបាន។
កាលពីថ្ងៃទី ១០ ខែសីហាមុននេះ បណ្ដាញព័ត៌មាន Bunshun បានរាយការណ៍ថា តារាសម្ដែងប្រុសជួរមុខជប៉ុន Shinichi មានមនោសញ្ចេតនាជាមួយមនុស្សស្រីដល់ទៅ ៧នាក់ក្នុងពេលតែមួយ។ កាលពីថ្ងៃទី ៣ ខែសីហាកន្លងទៅ លោកត្រូវបានប្រទះឃើញដឹកមនុស្សស្រីម្នាក់ទៅផ្ទះ ក្រោយ២ម៉ោង អ្នកទាំងពីរចេញពីផ្ទះវិញ។
បន្ទាប់មក អ្នកទាំងពីរបានបើកឡានទៅតំបន់ផ្សេងមួយទៀតនៅទីក្រុងតូក្យូ ហើយបានមានសកម្មភាពផ្អែមល្ហែមនឹងគ្នា។ នៅពេលដឹងថាត្រូវបានអ្នកកាសែតដឹងរឿងរបស់ខ្លួន តារាប្រុសកើតឆ្នាំ ១៩៨៥ បានសម្ដែងការភ្ញាក់ផ្អើលជាខ្លាំង។ តែលោកបានបដិសេធនារីវ័យ១៩ឆ្នាំដែលលោកជូនទៅផ្ទះនេះ មិនមែនជាមិត្តស្រីស្រី គ្រាន់តែមានអារម្មណ៍ល្អនឹងគ្នា។
ទន្ទឹមនឹងនោះ គឺលោកមានមនោសញ្ចេតនានឹងមនុស្សស្រី៦នាក់ផ្សេងទៀត សរុបគឺមានមនោសញ្ចេតនាជាមួយមនុស្សស្រី៧នាក់។ លោកបានឲ្យដឹងថា នារីទាំងនេះភាគច្រើនគឺជាអ្នកគាំទ្ររបស់លោក ដោយលោកបានទាក់ទងពួកគេតាមបណ្ដាញសង្គម Twiiter។ ព័ត៌មានខាងលើបានធ្វើឲ្យទស្សនិកជនសម្ដែងការមិនពេញចិត្តជាខ្លាំង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
