៩ រឿងដែលនារីចង់បានស្បែកស ច្រើនតែយល់ខុស ពិសេសញ៉ាំខូឡាជែន
- 2022-08-11 08:35:00
- ចំនួនមតិ 0 | ចំនួនចែករំលែក 0
៩ រឿងដែលនារីចង់បានស្បែកស ច្រើនតែយល់ខុស ពិសេសញ៉ាំខូឡាជែន
តាមពិតញ៉ាំខូឡាជែនមិនអាចជួយឲ្យស្បែកសនោះទេ ហើយនៅមានកត្តាច្រើនទៀតដែលនារីជាច្រើនយល់ច្រលំ។
១. ពាក់អាវដៃវែងរាល់ថ្ងៃគឺគ្រប់គ្រាន់ហើយ
នារីជាច្រើនយល់ថា ឲ្យតែពេលចេញក្រៅពាក់អាវដៃវែង ខោជើងវែង ពាក់មួកកុំឲ្យត្រូវកម្តៅគឺជួយស្បែកមិនខ្មៅបានហើយ។ យ៉ាងណាក្តី ការគិតនេះមិនត្រឹមត្រូវទេ ព្រោះថាបរិវេណស្បែកដូចជា ក មុខ ម្រាមដៃ ជាដើមនៅតែត្រូវកម្តៅថ្ងៃ ហើយអ្នក គួរតែលាបឡេការពារកម្តៅថ្ងៃដើម្បីជួយស្បែកទប់ទល់នឹងពន្លឺ UV ព្រះអាទិត្យ។
២. មិនបាច់ខ្វល់ពីកម្តៅព្រះអាទិត្យទេ ព្រោះលាបឡេការពារកម្តៅថ្ងៃរួចហើយ
តាមពិតទៅ ការលាបឡេការពារកម្តៅថ្ងៃ គឺជាវិធីមួយដើម្បីជួយស្បែកទប់ទល់ពីការខ្លោចខ្មៅនៃ UV ព្រះអាទិត្យ តែមិនមានន័យថា ត្រឹមលាបឡេការពារកម្តៅថ្ងៃអាចធ្វើឲ្យស្បែកអ្នកចៀសផុត100% ពីកម្តៅដែលចាំងមកលើស្បែកនោះទេ។ ហេតុនេះ អ្នកត្រូវជ្រកក្រោមម្លប់ ឬកន្លែងណាដែលអាចបិទបាំងកម្តៅថ្ងៃបាន ទើបធ្វើឲ្យស្បែកមិនត្រូវខូចបំផ្លាញដោយកាំរស្មី uV បាន។
៣. ស្រ្កាប់ស្បែកញឹកញាប់ដើម្បីទទួលបានស្បែក ស
វិធីសាស្រ្តដ៏ពេញនិយមបំផុតរបស់នារីសម័យនេះគឺស្រ្កាប់ស្បែក ព្រោះវាជម្រុះកោសិកាចាស់ ជួយស្បែកទន់ និងភ្លឺថ្លា។ ហេតុនេះ ធ្វើឲ្យគេយល់ច្រលំថា បើកាន់តែស្រ្កាប់ ច្បាស់ជាកាន់តែសមិនខាន។ តែតាមពិតមិនអ៊ីចឹងទេ ព្រោះនឹងធ្វើឲ្យស្បែកងាយរងការឈឺចាប់ពេលត្រូវកម្តៅព្រះអាទិត្យ ឬស្បែកទៅងាយរងប្រតិកម្ម ក្រហមរលាកជាដើម។ ហេតុនេះ គប្បីស្រ្កាប់ត្រឹម ២-៣ ក្នុងមួយសប្តាហ៍បានហើយ ។
៤. ក្រោយងូតទឹករួច មិនបាច់លាបឡេចិញ្ចឹមស្បែកទេ
នារីជាច្រើនក្រោយងូតទឹករួច តែងអង្គុយចុចទូរសព្ទដោយភ្លេចគិតថា ស្បែកក្រោយងូតទឹកក្តៅរួច ឬងូតទឹកយូរនឹងបាត់បង់សំណើម។ ហេតុនេះ ៣នាទីក្រោយងូតទឹករួច ជាពេលវេលាល្អបំផុតដើម្បីលាបឡេចិញ្ចឹមស្បែក ទាំងរាងកាយនិងមុខ ព្រោះអំឡុងពេលនេះ ស្បែកនឹងទទួលបានការជ្រាបចូលល្អបំផុត។
៥. ប្រើឡេធ្វើឲ្យស្បែកសលឿន
លាបឡេសលឿនរយៈពេល៧ថ្ងៃឃើញប្រសិទ្ធភាព ត្រូវបាននារីជាច្រើនចាប់អារម្មណ៍ ។ ថ្វីដ្បិតវាសក៏ពិតមែន តែអាស្រ័យលើប្រភេទស្បែក និងរបៀបថែទាំស្បែករបស់អ្នកដែរ។ យ៉ាងណាក្តី លទ្ធផលកាន់តែលឿន គ្រោះថ្នាក់អាចនឹងកើតមានច្រើនដែរ ហេតុនេះ បើចង់បានស្បែកស គួរជ្រើសរើសវិធីដែលប្រើទៅឃើញលទ្ធផលក្នុងរយៈពេល ៥-៦ ខែ ហើយព្យាយាមលាបឡេការពារកម្តៅថ្ងៃផង។
៦. គ្រាន់តែគេងនិងញ៉ាំ មិនជួយឲ្យស្បែកសទេ
ដោយសារតែគិតបែបនេះធ្វើឲ្យនារីជាច្រើនមិនសូវចូលគេងមុនពាក់កណ្តាលអាធ្រាត្រ ហើយញ៉ាំអាហារគ្មានជីវជាតិ។ ក្រុមអាហារទាំង៥ ដែលមានទាំងបន្លែផ្លែឈើ ជួយឲ្យស្បែកកាន់តែស្អាត រួមទាំងការផឹកទឹកគ្រប់គ្រាន់ប្រហែល 1.5 លីត្រក្នុងមួយថ្ងៃ នឹងធ្វើឲ្យស្បែកស្អាតពីខាងក្នុងដែរ។ ទន្ទឹមនឹងនេះ ការសម្រាកបានគ្រប់គ្រាន់ក៏ជួយឲ្យអ័រម៉ូននិងរាងកាយធ្វើការបានល្អថែមទៀត។
៧. ចាក់សេរ៉ូម ឬថ្នាំសាច់ស្អាតជួយស្បែកសលឿននិងមានសុវត្ថិភាព
វិធីនេះពិតជាមានប្រសិទ្ធភាពបំផុតព្រោះចាក់ថ្នាំចូលទៅផ្ទាល់ដល់សសៃវ៉ែន។ យ៉ាងណាក្តី វាមានគុណសម្បត្តិនិងគុណវិបត្តិផងដែរ ក្នុងនោះគុណសម្បត្តិគឺថា ជួយស្បែកឲ្យមើលទៅភ្លឺថ្លាជាងមុន កាត់បន្ថយស្នាមជ្រួញ អុជខ្មៅ ស្នាមក្រហមពីការឡើងមុន និងបង្កើនប្រព័ន្ធភាពស៊ាំថែមទៀត។ តែគុណវិបត្តិគឺថា បើអ្នកមានបញ្ហាអាឡែហ្សី វានឹងក្លាយជាហានិភ័យ ហើយសម្រាប់អ្នកចាក់ថ្នាំសាច់ស្អាត គប្បីមានវិធីថែទាំស្បែកខ្លាំងជាងអ្នកមិនបានចាក់ ដោយសារស្បែកងាយប្រតិកម្មនឹងពន្លឺព្រះអាទិត្យហេតុនេះ គេត្រូវការលាបឡេការពារកម្តៅថ្ងៃជាប្រចាំ។ សរុបមក សុវត្ថិភាពឬអត់គឺអាស្រ័យលើការថែទាំរបស់មនុស្សដែលទៅចាក់ រួមទាំងគ្លីនិកនោះថាអាចជឿទុកចិត្តបានកម្រិតណា ហើយបើចង់កាន់តែសុវត្ថិភាពទៀតនោះ គប្បីពិគ្រោះជាមួយគ្រូពេទ្យ កាន់តែល្អថែមទៀត។
៨. ញ៉ាំខូឡាជែន
តាមពិត ញ៉ាំខូឡាជែនមិនបានជួយឲ្យស្បែកសនោះទេ ព្រោះពេលជ្រាបចូលស្បែកវានឹងបាត់បង់។ តែអាចជួយជួសជុលផ្នែកដែលបាត់បង់ ជួយស្បែកមិនយារធ្លាក់ ស្បែកស្អាតស្មើគ្នាប៉ុណ្ណោះ ។ ហេតុនេះឈប់យល់ច្រលំពីការឃោសនារបស់ប្រេនមួយចំនួនទៀតទៅ ។
៩. ផ្តោតលើការញ៉ាំវីតាមីន C
វាគ្រាន់តែជួយស្បែករបស់អ្នកភ្លឺថ្លា ប្រព័ន្ធភាពស៊ាំរឹងមាំ ប៉ុន្តែអ្នកក៏ត្រូវប្រយ័ត្នដែរព្រោះការញ៉ាំវីតាមីន C ច្រើនមិនល្អឡើយ នឹងនាំឲ្យមានគ្រួសក្នុងតម្រងនោម។ ហេតុនេះ គួរញ៉ាំកុំឲ្យលើស 1000 mg ក្នុងមួយថ្ងៃ ៕