ស្ទឹងពពក មានទីតាំងស្ថិតនៅ ឧទ្យានជាតិក្រវាញខាងត្បូង ក្នុងភូមិព្រះអង្គកែវ ឃុំដងពែង ស្រុកស្រែអំបិល ខេត្តកោះកុង និងមានចម្ងាយប្រហែល ១៤៨គីឡូម៉ែត្រពីរង្វង់មូល ខេត្តកោះកុង និង១៧០គីឡូម៉ែត្រពីរាជធានីភ្នំពេញ ដោយធ្វេីដំណេីរតាមផ្លូវជាតិលេខ៤ រួចបត់ស្តាំបន្តលេីផ្លូវលេខ៤៨(ត្រង់ផ្លូវបំបែកស្រែអំបិល-ព្រះសីហនុ) និងបត់ស្តាំក្រោយឆ្លងស្ពានស្រែអំបិលរួច ហេីយធ្វេីដំណើរទៅសហគមន៍ភ្នំទ័ពជាងប្រមាណ១៥គីឡូម៉ែត្រ និងត្រូវឡេីងភ្នំដោយថ្មេីរជេីង ឬម៉ូតូប្រមាណ៣គីឡូម៉ែត្របន្ថែមនឹងទៅដល់ទីតាំង ។

សម្រាប់ពពកមិនមានរាល់ថ្ងៃទេ តែបេីមានភ្លៀងពីពេលល្ងាច ឬយប់ច្រេីន នោះទេសចរអាចនឹងមានឱកាសបានទស្សនាពពកហូរតាមជ្រលងមុខនៃទំហំមុខកាត់ជាង៨គីឡូម៉ែត្រប្រៀបដូចជាស្ទឹងដែលជាដេីមហេតុក្នុងការដាក់ឈ្មោះថា “ស្ទឹងពពក”។

​នៅពេល​យប់ កាន់​​តែ​ពិសេស​ថែម​ទៀត ​ដោយ​លោក​អ្នក​អាច​មើល​ឃើញ​ពន្លឺ​ផ្កាយ ព្រះច័ន្ទ​ចាំង​រះ​​អម​ជាមួយ​ធម្មជាតិ ​​ប្រៀប​ដូ​ច​កំពុង​រស់​នៅ​ភព​​បៃ​តង​ថ្មី​មួយ ​ដែល​ស្រស់​ស្រាយ​បំ​ផុត៕