តារាសម្តែងប្រុសចិន ក្លាយជាអ្នកដឹកជញ្ជូនក្រោយគ្មានរឿងថតជាប់ៗគ្នា
- 2022-08-02 03:00:00
- ចំនួនមតិ 0 | ចំនួនចែករំលែក 0
តារាសម្តែងប្រុសចិន ក្លាយជាអ្នកដឹកជញ្ជូនក្រោយគ្មានរឿងថតជាប់ៗគ្នា
អត់មានរឿងថតជាប់គ្នាជាច្រើនខែ តារាសម្ដែងប្រុសវ័យក្មេងចិន Wu Cheng Ze ត្រូវធ្វើអ្នកដឹកជញ្ជូនអាហារដើម្បីរកចំណូលចិញ្ចឹមខ្លួន។
កាលពីថ្ងៃទី ៣១ ខែកក្កដាកន្លងទៅនេះ បណ្ដាញព័ត៌មាន QQ បានឲ្យដឹងថា តារាសម្ដែងប្រុសវ័យក្មេងចិន Wu Cheng Ze កំពុងប្រកបរបរដឹកជញ្ជូនម្ហូបអាហារតាមកម្មវិធីទូរសព្ទដើម្បីចិញ្ចឹមជីវិត។ មូលហេតុគឺបណ្ដាលមកពីចំណូលមកពីសិល្បៈគឺមិនគ្រប៉គ្រាន់សម្រាប់លោកចិញ្ចឹមខ្លួនឯងឡើយ។
ប្រភពដដែលបានឲ្យដឹងថា ជាច្រើនខែមកនេះ មិនថាតែសិល្បករខាងលើនោះទេ តែតារាសម្ដែងវ័យក្មេងជាច្រើនគឺគ្មានការងារធ្វើឡើយ ដោយភាគច្រើន តារាជើងចាស់ និងអ្នកមានប្រជាប្រិយភាពទើបទទួលបានការងារថ្មី។
ប្រាប់ទៅកាន់ QQ ប្រុសស្អាតអាយុ ២២ឆ្នាំ បានឲ្យដឹងថាចំណូលពីការដឹកអាហារនេះ គឺគ្រប់គ្រាន់សម្រាប់ការចាយវាយរបស់លោក ដោយលោកតែងដឹកទៅជាយក្រុង និងយប់ជ្រៅដើម្បីទទួលបានប្រាក់កាន់តែច្រើន។
កើតឆ្នាំ ២០០០ និងមានកម្ពស់ ១.៨៩ម Wu Cheng Ze ធ្លាប់ចូលរួមសម្ដែង A Summer Odyssey, Poisoned Love ក្រោយពេលចូលសិល្បៈឆ្នាំ ២០១៩៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
