ក្នុងរយៈពេលជាងប៉ុន្មានឆ្នាំចុងក្រោយនេះ បានធ្វើឲ្យមនុស្សជាច្រើន និងមនុស្សទូទាំងពិភពលោកមានវិបត្តិយ៉ាងធ្ងន់ធ្ងរទៅនឹងការរស់នៅប្រចាំថ្ងៃ ជាពិសេសនោះគឺទៅលើសុខភាពដែលបណ្ដាលមកពីបញ្ហាជុំវិញពិភពលោក។

មនុស្សភាគច្រើនបានចំណាយពេលធ្វើរឿងសឹងតែគ្រប់យ៉ាងនៅលើប្រព័ន្ធអ៊ីនធឺណែត និងប្រព័ន្ធបណ្ដាញសង្គមនានា ដែលវាបានធ្វើឲ្យមានការកើនឡើងយ៉ាងសម្បើមជាមួយប្រព័ន្ធបច្ចេកវិទ្យា។ ទាំងនេះដោយសារតែមនុស្សគ្រប់រូបអាចស្វែងរកព័ត៌មាននឹងសេវាកម្មសុខភាពផ្លូវចិត្តបានតាមប្រព័ន្ធអ៊ីនធឺណែតនៅពេលណាដែលពួកគេត្រូវការ។

សាធារណជនទូទៅទទួលស្គាល់ថាបច្ចេកវិទ្យាកំពុងដើរតួយ៉ាងសំខាន់នៅក្នុងជីវិតរស់នៅប្រចាំថ្ងៃ ក៏ប៉ុន្តែចាប់តាំងពីវិធានការរក្សាគំលាតសង្គម បានធ្វើឲ្យមនុស្សចំណាយពេលនៅតែមុខអេក្រង់ទូរសព្ទ កុំព្យូទ័រកាន់តែយូរនឹងច្រើនជាងធម្មតា។

ការស្ទង់មតិលើមនុស្សជាង ៧២,០០០ នាក់របស់ BBC News បានរាយការណ៍ថា ការ​ប្រើប្រាស់​ប្រព័ន្ធ​ផ្សព្វផ្សាយ​សង្គម​ច្រើន នឹងធ្វើឲ្យមានការមិនការ​ពេញចិត្ត​ក្នុង​ជីវិតរស់នៅរបស់មនុស្សម្នាក់ៗ ហើយបង្កើតឲ្យមានការរីករាលដាលនៃជំងឹធ្លាក់ទឹកចិត្ត ការថប់អារម្មណ៍ ការផ្លាស់ប្ដូរនៃជីវិតរស់នៅទាំងស្រុង និងទុកព្រួយនានាដែលអាចនឹងកើតឡើង ដែលបណ្ដាលមកពីការ​ប្រើប្រាស់​ប្រព័ន្ធ​ផ្សព្វផ្សាយ​សង្គម​នេះ៕

ចុចអានបន្ត៖ វិធីសាស្ត្រងាយៗ ក្នុងការការពារមាត់ធ្មេញឲ្យមានសុខភាពល្អដោយមិនបាច់ទៅពេទ្យធ្មេញឡើយ