មនុស្សភាគច្រើនបានដឹងរួចមកហើយថា ការការឱបមានអត្ថប្រយោជន៍ល្អៗជាច្រើន ពីព្រោះការទទួលបាននឹងការផ្ដល់ឲ្យនូវការឱបគឺជាឱសថដ៏មានប្រសិទ្ធិភាពខ្ពស់ជួយធ្វើឲ្យអារម្មណ៍របស់អ្នកបានប្រសើរឡើង ហើយវាត្រូវបានគេជឿថាមានអត្ថប្រយោជន៍ល្អចំពោះសុខភាពស្បែករបស់អ្នកទាំងពីរ។

ការឱបមិនសំដៅតែលើគូស្នេហ៍នោះទេ គឺសម្រាប់ភាពទូទៅនៃក្តីស្រឡាញ់ បងប្អូន គ្រួសារ មិត្តសម្លាញ់ ឬក៏សាច់ញាតិជាដើម។ វាជាការបង្ហាញអំពីសេចក្តីស្រឡាញ់ ការយកចិត្តទុកដាក់របស់អ្នក ហើយមិនត្រឹមតែប៉ុណ្ណោះវាជាការបង្ហាញអំពីភាពទុកចិត្ត ការលើកទឹកចិត្ត និងផ្តល់អារម្មណ៍កក់ក្តៅដល់មនុស្សម្នាក់នោះដែលទទួលបានការឱបពីអ្នក។

ការឱប៖ ជួយកាត់បន្ថយកម្រិតស្ត្រេសរបស់អ្នក ហើយផ្តល់មកវិញនូវអារម្មណ៍ល្អសប្បាយរីករាយ ធ្វើឲ្យប្រព័ន្ធអរម៉ូនរបស់អ្នកមានតុល្យភាពដែលល្អចំពោះសុខភាពផ្លូវចិត្ត និងសុខភាពរាងកាយ។ ហើយក្រៅពីនោះ វាជួយលើកកម្ពស់ការគិតវិជ្ជមានដែលអាចជួយកាត់បន្ថយភាពភ័យខ្លាច និងធ្វើឲ្យអ្នកមានចិត្តស្ងប់។ មិនត្រឹមតែប៉ុណ្ណោះ វានឹងអាចជួយកាត់បន្ថយសម្ពាធឈាម ជាពិសេសនៅពេលដែលអ្នកមានអារម្មណ៍ថាសោកសៅ បាក់ទឹកចិត្តឬស្ត្រេសខ្លាំង។

មិនមែនមនុស្សគ្រប់គ្នាចូលចិត្តការឱបក្រសោបនោះទេ ហេតុដូច្នេះហើយមុនពេលដែលអ្នកចង់ផ្ដល់កាឱបទៅកាន់នរណាម្នាក់ ត្រូវមើលទៅតាមស្ថានភាពឬក៏សួរនាំជាមុនសិនដែរ។ ការឱបវាមិនត្រឹមតែជាការបង្ហាញនៃក្តីស្រឡាញ់ប៉ុណ្ណោះទេ តែវាអាចនឹងធ្វើឲ្យអារម្មណ៍របស់អ្នកបានល្អប្រសើរ និងជួយបង្កើនសុខភាពផ្លូវចិត្តឲ្យមានសុខភាពល្អថែមទៀតផង៕

ចុចអានបន្ត៖ គុណសម្បត្តិទាំង ៤ យ៉ាងរបស់ស្ត្រី ដែលនឹងធ្វើឲ្យបុរសៗលង់ស្នេហ៍នាងជាមិនខាន