Weir បង្អួតចិញ្ចៀនរៀបការ និងអនាគតភរិយាមុនថ្ងៃរៀបការនៅថ្ងៃទី ១៧នេះ

2022-07-06 04:00:00
ចំនួនមតិ 0 | ចំនួនចែករំលែក 0

តារាសម្ដែងប្រុសជួរមុខថៃ Weir Kanarot បានបង្ហាញពីអនាគតភរិយាដែលមិនមែនជាអ្នកសិល្បៈ ក្រោយបែកគ្នាជាមួយកំពូលតារាសម្ដែងស្រី Bella Ranee។

កាលពីថ្ងៃទី ៣ ខែកក្កដាមុននេះ កំពូលតារាសម្ដែងប្រុសថៃ Weir Kanarot បានបង្ហោះនៅលើគណនីបណ្ដាញសង្គមរបស់ខ្លួន នូវរូបភាពមួយសន្លឹក កំពុងបំពាក់ចិញ្ចៀនដល់នារីម្នាក់ដោយបានភ្ជាប់សារថា៖ ខ្ញុំធ្លាប់តែធ្វើរឿងនេះក្នុងរឿង ទីបំផុតក៏អាចធ្វើរឿងនេះបាន។ សូមអរគុណដល់អ្នកទាំងអស់គ្នាដែលបានជូនពរ និងលើកទឹកចិត្តដល់ពួកខ្ញុំ 5-4-3-2-1។

ទន្ទឹមនឹងនោះដែរ ប្រុសស្អាតអាយុ ៣៧ឆ្នាំក៏បានបង្ហើបដែរថា ខ្លួននឹងអនាគតភរិយា ឈ្មោះ Vicky ដែលមិនមែនជាអ្នកក្នុងសិល្បៈនោះ នឹងក្លាយជាប្ដីប្រពន្ធនឹងគ្នានៅថ្ងៃទី ១៧ ខែកក្កដាខាងមុខ ដោយមុខរបស់ នារីរូបនេះក៏ត្រូវបានម្ដាយរបស់ Weir ផ្ទាល់ជាអ្នកបង្ហោះផងដែរ។

ខណៈមនុស្សជាច្រើនបានជូនពរ តារាកើតឆ្នាំ ១៩៨៥ នោះ ក៏មានអ្នកគាំទ្រដែលធ្លាប់រំពឹងថាលោក និងកំពូលតារាសម្ដែងស្រី Bella Ranee មាន Happy Ending ផងដែរ ក្រោយពួកគេបានស្រលាញ់គ្នាជាច្រើនឆ្នាំ៕